Lukinich Imre: Podmaniczky család oklevéltára. I. (Budapest, 1937.)
nentiam una cum prenominato Nicolao de Thwr homine vestre serenitatis in dictis litteris vestre serenitatis inter alios nominatim conscripto unum ex nobis, videlicet religiosum fratrem Stephanum presbiterum socium nostrum conventualem ad premissa suo modo peragenda nostro pro testimonio fidedignum duximus destinandum. Qui tandem exinde ad nos reversi nobis consona voce retulerunt isto modo, quo modo ipsi sabbato proximo post festum Epiphaniarum Domini proxime preteritum 1 ad faciem prescripte possessionis Kemenche vocate, vicinis et commetaneis eiusdem universis inibi legitime convocatis et presentibus, accedendo, dumque prefatam possessionem Kemencze reambulare eandemque per suas veras et antiquas metas novas iuxta veteres in locis necessariis erigere reambulatamque et ab aliorum iuribus possessionariis metaliter separatam et distinctam relinquere et committere eandemque eidem domino exponenti et ecclesiae suae antedicte simulcum cunctis suis utilitatibus et pertinentiis quibuslibet iure sibi incumbenti perpetuo possidendam statuere voluissent, tunc providi Johannes Molnár vice officialis, ac Georgius Peter et Michael iudex, necnon Andreas Espan in possessione Perewchen residentes in personis magnificorum Sigismundi de Lewa 2 et Johannis Podmanyczky de Podmanyn huiusmodi reambulationi et erectioni metarum contradictionis velamine obviassent. Ob quam quidem contradictoriam inhibitionem prefatus Nicolaus de Thwr homo vestre serenitatis dicto nostro testimonio presente die et loco in predictis memoratos magnificum Sigismundum de Lewa, ac Johannem Podmanyczky de Podmanyn contra annotatum dominum exponentem ad octavas festi beati Georgii martiris nunc venturi eiusdem vestre serenitatis personalem evocasset in presentiam, rationem contradictionis eorundem reddituros. Dátum sedecimo die diei executionis premissorum, anno Domini millesimo quingentesimo septimo. 1 1507 januárius 9. 2 Lévai Cseh Zsigmond, Lévai Cseh vagy Vajdafy János fia. L. a 162. sz. oklevélnél közölt leszármazási táblát.
