A Pécz nemzetség Apponyi ágának az Apponyi grófok családi levéltárában őrizett oklevelei. I. 1241–1526. (Budapest, 1906.)

VI. 1270. V. István király megerősíti IV. Béla királynak Baáb birtokról Kunch nagyszombati bíró és testvérei részére adott adomány levelét. Stephanus Dei gratia Hungarie, Dalmatie, Crovatie, Rame, Servie, Gallicie, Lodomerie, Cumanie, Bulgarieque rex, omnibus Christi fidelibus tam presentibus, quam futuris, salutem in omnium salvatore. Ad universorum notitiam harum serie volumus pervenire, quod fidelis noster Konch, villicus de Tyrna, ad nostram accedens presentiam, exhibuit nobis privilégium charissimi patris nostri, Bele regis inclyte recordationis, super collatione cuiusdam terre castri Nitriensis sibi facta confectum, petendo cum instantia, ut ipsum privilégium ratificare et nostro privilegio confirmare, de magnificentia regia dignaremur; cuius tenor talis est: (Ld. az V. sz. oklevelet.) Nos itaque privilégium clicti charissimi patris nostri non cancellatum, non abrasum, non abolitum, nec in aliqua sui parte vitiatum ratum habentes et acceptum, et de verbo ad verbum presentibus insertum, auctoritate presentium duximus confirmandum; recepimus insuper ipsum Konch villicum et Conradum, fratrem eius, in nostram protectionem specialem, volentes, ut eosdem de cetero, vice et auctoritate nostra, comes Nitriensis pro tempore constitutus pro eo, quod dicta terra in ipso comitatu Nitriensi existit, protegat et defendat, nec tamen eos idem comes Nitriensis ratione protectionis sue poterit in aliquo contra iustitiam molestare. In cuius rei memóriám íirmitatemque perpetuam, presentes dedimus litteras duplicis sigilli nostri munimine roboratas.