Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)
ipse, uti edocti sumus, primum condam excellentissimorum principum, dive memorie dominorum Sigismundi romanorum imperatoris etc. avi, ac Alberti similiter romanorum, prescriptorumque regnorum nostrorum Hungarie etc. regum, patris nostrorum carissimorum, et tandem etiam nostris temporibus in nonnullis agendis rerbus et negotiis eorundem progenitorum nostrorum atque nostris, sub locorum et temporum varietate cum omni fidelitatis constantia, ferventisque animi zelo se eisdem progenitoribus nostris ac sacre corone prescripti regni nostri Hungarie et etiam nostre maiestati iuxta sue possibilitatis exigentiam reddidit valde gratum. Intuitu quorum volentes ipsum regio prosequi favore, castra Kozthennycza et Lypowecz vocata, in comitatu zagrabiensi existentia, cum omnibus villis et possessionibus ad eadem castra de iure spectantibus et pertinentibus, in quorum scilicet et quarum pacifico dominio prefatus comes Martinus a multis preteritis annis se perstitisse persistereque asserit etiam de presenti, item totum et omne ius nostrum regium, si quod in eisdem qualitercunque haberemus aut nostram ex quibuscunque causis, módis et rationibus concerneret maiestatem, necnon cum cunctis suis utilitatibus et pertinentiis quibuslibet, puta iuribus, iurisdicionibus, tributis, terris arabilibus cultis et incultis, agris, pratis, pascuis, silvis, nemoribus, montibus, vallibus, vineis vinearumque promontoriis, aquis, fluviis aquarumque decursibus, piscinis, piscaturis, molendinis et molendinorum locis, et generaliter quarumlibet utilitatum et pentinentiarum earumdem integritatibus, quovis nominis vocabulo vocitatis, ad eadem castra rite et legitime spectantibus et pertinere debentibus, sub suis veris metis et antiquis, premissis sicut prefertur stantibus et se habentibus, memorato Martino comiti Segnie, suisque heredibus et posteritatibus universis nove nostre donationis titulo dedimus, donavimus et contulimus, immo damus, donamus et conferimus iure perpetuo et irrevocabiliter tenenda, possidenda pariter et habenda, salvo iure alieno, harum nostrarum vigore et testimonio litterarum mediante, quas in formám nostri privilegii redigi faciemus, dum eedem nobis in specie fuerint reportate.
