Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)
Commissio propria domini regis. 1 Nos Mathias Dei gratia rex Hungarie, Bohemie etc., memorie commendamus tenore presentium significantes quibus expedit universis, quod nos attentis et consideratis fidelitate et fidelibus servitiis fidelis nostri, spectabilis et magnifici Nicolai comitis de Frangapanibus etc., per eum primum sacre regni nostri Hungarie corone, deindeque maiestati nostre sub locorum et temporum varietate, cum omni fidelitatis constantia exhibitis et impensis, possessiones Dabar, Zythnyk, Zwoycha, Trybyzko et Bryzna vocatas, necnon tributum in eadem Dabar exigi solitum, omnino in districtu Gaczka habitas, in quorum pacifico dominio progenitores suos ab antiquo perstitisse seque persistere asserit etiam de presenti; item totum et omne ius nostrum regium, si quod in eisdem possessionibus et tributo etiam alias qualitercunque haberemus aut eedem et idem nostram ex quibuscunque causis, viis, módis et rationibus concernerent maiestatem, simulcum cunctis suis utilitatibus et pertinentiis quibuslibet, terris scilicet arabilibus cultis et incultis, agris, pratis, pascuis, campis, fenetis, silvis, nemoribus, montibus, vallibus, vineis vinearumque promontoriis, aquis, fluviis, piscinis, piscaturis aquarumque decursibus, molendinis et molendinorum locis, generaliter vero quarurnlibet utilitatum et pertinentiarum suarum integritatibus, quovis nominis vocabulo vocitatis, sub suis veris metis et antiquis, premissis sicut prefertur stantibus et se habentibus, memorato Nicolao comiti, ipsiusque heredibus et posteritatibus universis de consensu et beneplacita voluntate illustrissime domine Beatricis regine, consortis nostre carissime, nove nostre donationis titulo dedimus, donavimus et contulimus, immo damus, donamus et conferimus iure perpetuo et irrevocabiliter tenendas, possidendas pariter et habendas, salvo iure alieno, harum nostrarum vigore et testimonio litterarum mediante, quas in formám nostri privilegii redigifaciemus, dum nobis in specie fuerint reportate. 1 A szövegtől eltérő írással. - Az átiratból hiányzik.
