Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)
Dicitur nobis in personis magnifici Johannis de Frangapanibus, comitis Cetine ac generose domine Dorothee, relicte condam magnifici Johannis comitis Blagay, quomodo ipsi a nobilibus croatis comitatus et sedis tyniniensis ad fidem eorum Deo debitam, fidelitatemque sacre corone regni Hungarie fideliter observandam inquirere, rescire et experiri vellent, utrum sedes iudiciaria de Ostrosacz a primevo et antiquo tempore semper fuisset et pronunc esset cum omni iurisdictione, litibus et causis ex constitutione condam serenissimi domini Sigismundi imperatoris et regis Hungarie ad sedem iudiciariam comitatus de Zokol deputata et subiecta, et utrum ipsa sedes iudiciaria de Zokol semper ab evo fuisset una ex sedibus iudiciariis sub et ad comitatum, ac sedem generalem et orig[ina]lem omnium croatorum tyniniensem pertinens, et utrum cause litigiose in dictis sedibus de Ostrosacz et Zokol mote et inchoate per modum appellationis ex iure antiquo ad dictam sedem generalem et originalem tyniensem cum omni iurisdictione, iuxta continentiam privilegiorum dicti domini Sigismundi imperatoris deduci debeant an non, ubi de vestro indigerent testimonio. Quapropter vestram rogamus amicitiam per presentes diligenter, quatenus vestrum mittatis hominem pro testimonio fidedignum, quo presente Thomas Buchich de eadem vei Georgius Bosichkouich de Bwhay, sive Georgius Kachich de Razwayawaz aliis absentibus homine 1 domini nostri regis illuc accedendo ad predictam sedem iudiciariam tyniniensem resciat, inquirat et experiatur de premissis mere certitudinis veritatem, et prout exinde vobis veritas constiterit, eidem domino nostro regi fideliter rescribatis. Dátum in Laabwar, feria secunda proxima ante festum beati Martini confessoris, anno Domini millesimo quadringentesimo octuagesimo quinto. 1 homo helyett hibásan. i i l 1485. nov. 7.
