Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)

gnaden zugehöret, das wir vns darauf der bemelten dorff vnd erdreichs ganntz enntslagen vnd die seinen kaiserlichen gnaden volgen lassen habén wissenntlich in krafft des briefs. Alsó das sy nach dato ditz briefs die frey vnd ledigklich innemen, sein kaiserlich gnad vnd seiner gnaden erben besitzen, innhaben, nutzen vnd nyessen vnd allén iren frumen damit schaffen, tun vnd hanndeln sulién vnd mügén, an vnser, vnnserr erben vnd nachkomen vnd menigklichs von vnsern wegenn widersprechen, irrung vnd hindernus, wir vertzeihen vnns auch für vns vnd dieselben vnnser erben vnd nachkomen aller gerechtigkait, ob wir der an den obbemelten dorff vnd erdreich ichts hieten oder habén möchten, wie die genannt wáre, khain gerechtigkait ausgenomen noch hindangesetzt, vnd wellen darumb zu iren gnaden khain zuspruch, ansprach, noch vordrung mer habén, weder mit recht, noch an recht in khain weis. Wo wir aber das nicht hielten, vnd dawider tetten vnd ir gnad des schaden nemen, wie solher schad genannt wáre, khainen schaden ausgenomen, desselben schadenns sulién sich ir gnad zu vnns, vnnsern erben vnd nachkomen, vnd allém vnnserm gut haltén vnd dauon bekomen, mit recht oder an recht, wie ir gnad das verlusst vnd am pessten fugen wirdet, vnd sulién vnd wellen dawider khainerlay freyhait, recht, noch gewonhait prawchen noch genyessen,vnd sol dise vnnser verschreibung dennoch bey krefften beleiben. Beschech aber, das wir, vnnser erben vnd nachkomen wider dise verschreibung tetten, so sulién wir zusambt den berurtten schaden iren gnaden zehen tawsennt vngrisch guldein ze geben verfallen vnd schuldig, darumb dann iren gnaden all vnnser stet, guter vnd geslösser, wo wir die innhaben, recht fürphanndt sein, solanng vnntz ir gnad dieselben zehen tawsennt guldein von vnns, vnnsern erben vnd nachkomen, vnd wer dieselben vnnser stet, geslösser vnd guter zu den zeitten innhaben, ausgericht vnd bezalt werden, vnd mugen sich ir gnad derselben vnnser stet, geslösser vnd guter selbs vnderwinden, darinn dann wir, noch die vnnsern iren gnaden khainerlay widerstannd tun sulién, trewlich vnd vngeuerlich.