Thallóczy Lajos–Barabás Samu: A Frangepán család oklevéltára. II. 1454–1527. Hamis oklevelek. 1209–1481. (Budapest, 1913.)

hand habén vnd schermen. Vnd wan vvier oder vnser erben nach abgangk des genanten Awrsperger sein erben ermanen vnd ingeben dye selben sum gelts nach lawt des obgemelten vnsers brief, so er vber den Lippovvicz hat, ye vierzehen tag vor sand Jorigen tag oder in den nagsten vierzehen tagén hin nach, welhes tags das dann in denselben vier vvochen aines das ist, als dan schüllen sew vns desselben gesloss vnd berschafft zvvm Samobar mit seiner zwegehorung an waigerung abtretten, trewlich vnd vngeuerlich. Vnd was sew awf dasselb vnser gesloss Samobar notdürftigs paws tuen, scholl in von vns, vnsern erben vnd nachkomen pezalt vnd widerkert werden, auch in form vnd mas, als dye obgemelt vnser verschreibung vber den Lippowicz lawtend von paws wegen daselbs hin awsweist, alles trewlich vnd vngeuerlich. Wier habén vns auch vor pehalten, ob vnser pedürfen eruodert, das wier in vnsern landen, herschefften vnd gepieten stewr anslüegen, als dan mügén wier in derselben herschafft zwm Samobar awch ain zeitlich vnd zimlich stewr mit wissen des genanten von Awrspergk oder seiner erben anslahen, alsó das die gueter dannoch pey stifft vnd die lewt pey dienst peleiben mügén, alsó das nyemand vberscháczt werd, awch vngeuerlich. Mit vrkund des briefs pesigelt mit vnserm angehangen insigell. Vnd zw merer gezewgnus der warhait habén wier mit vleis gepeten dye edeln vnd den vesten ritter her Niclas von Sicherwergk vnd Andre den Hochenworter, hawbtman in der Medling vnd öbristen drugkseczen in Krain vnd an der Marich, das sew sölher sachen gezewgen sind awch mit ieren angehangen insigeln, doch in vnd iern erben an schaden, vnder dye sigel wier vns vnser erben vnd nachkomen verpinden, war vnd stat ze halden alles, das so oben an dem brief geschriben stet. Geben an phfincztag sand Pangracien tag, nach Kristi gepuerde vierzehen hundert jar vnd darnach in dem drew vnd sechzigkisten jare. ápr. 11. 1463. máj. 12.