Thallóczy Lajos - Barabás Samu: A Frangepán család oklevéltára. I. 1133-1453 (Budapest, 1910)

tochter grelinn Elspeten desselben swern gluben vnd verhaissen ir mit derselben vest vnd herschaft gwertig zesein zu allén iren rechten in aller mas, als der erst getan hat an allez geneigt, alsó ob wir nicht mer leiberben gewünnen. Gevvinn wir aber leiberben, dez wir Got wol getrawen, sein das tochter, die sulién gleich mit der egenant vnser tochter grefinn Elspeten erben. Sein ez aber sün, die sulién die egenant vnsre herschaft Modrusch vnd all ander vnser herscheft erben vnd besiczen an all irrung vnd sulién der egenant vnser tochter grefinn Elspeten die vorgenant zwainczig tawsend gulden ir haymstewer vnd ir varündhab volgen vnd auch geuallen vnd sol dann der ir gemechtbrif tod sein vnd chain kraft mer habén. Ez wer dann, daz dieselben vnser sun abgingen vnd tochter hinder in liessen, mit denselben töchtern sol dann die obgenant vnser tochter grefinn Elspet gleich erben. Liessen aber dieselben vnsre sun nicht tochter vnd auch nicht sun hinder in, da Got vor sei, so sol der egenant vnsre tochter grefinn Elspeten die obgenant vnser herschaft vnd daz gemecht geuallen vnd volgen an all irrung vnd auch der ir mechtbrif bei aller seiner kraft bleiben. Ez sol auch, das vnsre egenants gráf Steffans gemecht vnd die vnser ordnung, die wir der obgenant vnser tochter grefinn Elspeten getan habén, als oben begriffen ist, erst kraft und macht habén und gewynn nach vnserm abgang mit dem tod, mit vrchund dicz brifs versigeit mit vnsres egenant gráf Steffans aigem anhangunden insigel und zu merer zevvgnüs mit dez wolgeborn vnsers lieben ohaim gráf Fridrich von Ortenburg und vnsers lieben swager Otten von Stubenberg dez jüngern baider aigen anhangunden insigeln, die si durch unsren fleissigen pet willen an den brif gelegt habén- in vnd iren erben ansthaden. Geben nach Christi gepürt drewczehen hundert iar vnd darnach in dem acht vnd achczigistem iare an mitichen nach sand Michels tag. 1388. sept 31