Thallóczy Lajos - Barabás Samu: A Frangepán család oklevéltára. I. 1133-1453 (Budapest, 1910)

illustrium dominarum Elisabeth matris usque felix exterminium vite eorundem, ac demum Marié reginarum dicti regni Hungarie inclitarum, cónthoralis nostrorum carissimorum, eisdem laudabiliter et indesinenter serviendo, ac ipsarum regíe et reginalium maiestatum decus et regnorum prescriptorum commodum et tranquillum statum non sine iugi bellico certamine sagaciter et indesinenter augendo, necnon regnicolas ipsorum devios et feroces ad fidelitatis obsequia ipsis impendenda per sincerum dogma creberrime concitando. Potissime idem vir egregius comes Johannes virtutibus variis pre ceteris suis consodalibus insignitus non coactus, sed pure fidelitatis zelo instinctus adversus nostros infideles regnorumque nostrorum iamdictorum emulos notorios et depredatores, signanter Johannem cruciferum, filium Johannis de Palichna, eiusque fautores et sequaces, qui quidem nostri notorii infideles in anno plusquam revolutionem perfectam iam enacto, cum eorum fallerata et scelerata non modica caterva adversus ipsas reginales maiestates, matrem scilicet et conthoralem nostras precaras, dominas ipsorum naturales, cum earum egregia comitiva in districtu de Gara in strata publica tendentes hostico ingenti tum insultu, manibus armis bellicis premunitis infidelitatis interne perfidia et venenositate pestifera concitati adinstar rabidi veltris prosilientes et ipsarum nonnullos fideles et potiores proceres, asseclas et milites viriliter et ferventer pro ipsarum reginalium maiestatum et potius nostri honoris incremento in area ipsius certaminis bellantes immaniter decollassent et necavissent, ipsasque dominas reginas et quosdam earundem egregios sequaces, regali thesauro et ceteris clenodiis et rebus non modici valoris spoliatas et orbatas captivassent, ac captas et compeditas diutius conservassent, et pleraque homicidia, incendia et valiida spolia ac graves depredationes intra ambitum regni nostri perpetrare veriti non fuissent, aggregato cum maximis propriis sumptibus armatorum nostrorum scilicet fidelium cetu copioso plerisque vicibus pro liberatione ipsarum reginalium maiestatum et sequacium earundem ac regnorum prescriptorum pacis tranquillitate hostiliter toto nisu insurgendo;