Az esztergomi főkáptalan fekvő s egyéb birtokaira vonatkozó okmányok tára. (Pest, 1871.)

salutem in eo, qui regibus dat salutem. Cum ecclesiastice utilitati salubriter de bonis temporalibus congrua consideracione regia prospicit celsitudo, iuri regio per hoc nil decrescit, ymo pocius id augetur; cum taliter faciendo in celis thesaurizari dicatur, ubi nec tynea demolitur, nec fures eífodiunt, uel furantur. (P)roinde ad uniuersitatis vestre noticiam harum serie uolumus peruenire; quod nos hac contemplacione permoti, cum post obitum, seu transitum inclite recordacionis domini Regis Bele quarti karissimi genitoris nostri plénum ius, et régimén tocius regni Hungarie iure geniture ad nos deuoluta fuissent, rege regum et domino dominancium largiente; quandam villám nostram seu terram nomine Epei in comitatu Strigoniensi existentem cum vinitoribus, seu condicionarijs nostris eidem terre ascriptis, qui progenitoribus nostris, et nobis aunuatim ad dandam certam vini quantitatem ex honere seruitutis eis ab antiquo imposite, fuerant deputati, et cum omnibus vineis, iuribus pertinencijs et utilitatibus ipsius ville seu terre fidelibus nostris capitulo Strigoniensis ecclesie, a qua inuncti sumus, et regium suscepiinus diadema, ac alia ecclesiastica uoluntaria et necessaria incliti reges Hungarie recipiunt sacramenta,pro remedio anime eiusdem domini Bele regis karissimi patris nostri tenore presencium dedimus, et damus, donauimus, donamus, tradidimus et tradimus, ab eodem Capitulo iure perpetuo possidendam; ita, vt ex hac donacione, et tradicione nostra ueri domini ipsius ville seu terre, ac vinearum iurium, et pertinenciarum, nec non et utilitatum eiusdem effecti, de eadem villa, seu terra, ac condicionarijs suprascriptis ordinandi, et disponendi plenam, et liberam in perpetuum habeant potestatem. Predictumque Capitulum per magistrum Andreám specialem clomus nostre notarium in possessionem corporalem predicte ville seu terre iurium, vinearum, pertineciarum, ac utilitatum ipsius, nullo refragante feciinus pacifice introduci. Pláne facta per nos ipsi Capitulo hiusmodi donacione condicionarij, seu vinitores predicti ad nos accedentes nobis humiliter supplicabant, et fecerant instancius supplicari, quod ex quo ipsam villám, seu terram dicto Capitulo dederamus; saltem eisdem vinitoribus, et condicionarijs, de ipsa villa, seu terra recedendi absolutam, et liberam licenciám concedere, dignaremur. (N)os igitur attendentes, quod ijdem vinitores, seu condicionarij de dicta villa Epei erant eidem terre ad dandam nobis, et inclitis regibus Hungarie annuatim certam, vt premisimus, vini quantitatem astricti, et in perpetuum deputati eis de villa seu terra ipsa recedendi huiusmodi licenciám duximus penitus denegandam, ymo' circa predictam Strigoniensem ecclesiam in beneficijs eidem exhibendis crescere cupientes, ac nostram munificenciani interpretacione largissima dechorare, sicut ipsam villám, seu terram predicto dedimns Capitulo, ita eosdem vinitores et condicionarios cum eisdem seruicijs, et honeribus, quibus antea nobis, et alijs regibus Hungarie progenitoribus nostris seruiebant, eidem Strigoniensi Capitulo irreuocabiliter concessimus et donauimus; queinadmodum est permissum; non obstantibus literis• nostris, si quas forsitan eisdem condicionarijs, et vinitoribus concessissemus super huiusmodi ipsorum exempcione, vei nobis concedere contingeret in futurum; exceptis tamen de eisdem vinitoribus et condicionarijs Berka et fratribus suis cum liberis eorumdem, quos ante donacionem dicto capitulo Strigoniensi factam, ab huiusmodi honeribus exemeramus, nostrum eis super hoc priuilegium concedendo. (Vt) igitur presens donacio nostra dicto Strigoniensi Capitulo facta, robur perpetne firmitatis obtineat, et ne ab