Oklevéltár a gróf Csáky család történetéhez. II. Oklevelek 1500–1818. (Budapest, 1919.)

domini proxime preteriti in claustro beati Michaelis archangeli in oppido Kereszegh fundato termino videlicet et loco dictis btteris nostris obligatoriis suo modo nominatis et deputatis pariter constituti fuissent, ibique ipsis consedentibus annotatus Michael de dicta Chaak personaliter ac prefati Gábriel et Ladislaus de eadem Chaak similiter propriis eorum in personis, necnon pro reverendo domino Nicolao de pretacta Chaak electo et confirmato ecclesie Chanadiensis nobilis Philippus de Banrewe cum procuratoriis literis honorabilis capituli ecclesie Chanadiensis predicte coram ipsis arbitris prenominatis comparuissent, quiquidem arbitri auditis et intellectis ipsarum parcium proposicionibus responsionibus et aliis allegacionibus et primo in facto divisionis castri dicti oppidi Kereszegh talem inter ipsos Michaelem et Gábrielem de predicta Chaak fecissent arbitrativam composicionem et divisionem, quod in ipso castro Kereszegh boltham sew testudinem prope quoddam sacellum sew capellam existentem, cuius bolthe introitus esset de eadem capella, item supra eadem boltham tres domos, duas videlicet integras et paratas, terciam vero desertam et reformari debentem et quartam similiter domum supra easdem duas domos integras, quintam vero unam stubam testudineam sive boltham prope dictam domum desertam et quedam edificia domorum supra dictas duas domos integras existentes ipsi Gabrieli de Chaak cedendo assignassent et deputassent possidenda tenenda et habenda, preterea medietas cellarii magni consimiliter eidem Gabrieli Chaaky cessissent, reliquas vero partes domorum et habitacionum eiusdem castri ipsi arbitri annotato Michaeli de Chaak assignassent et deputassent salvis tamen porcionibus domorum et habitacionum ipsius domini Nicolai Chaaky et fratrum suorum remanencium, turrim vero magnam in eodem castro habitam communi iure tenendam et habendam eisdem partibus reliquissent. Item prefatus Michael de Chaak supra quandam parvam turrim ad latus muri eiusdem castri versus plagam septemtrionalem adiacentem castellanis dicti castri pro tempore constitutis domos suis propriis sumptibus et expensis erigi et edificari facere promisisset, reliquis edificiis infra eandem turrim parvam existentibus ipsi Michaeli de Chaak