Oklevéltár a gróf Csáky család történetéhez. II. Oklevelek 1500–1818. (Budapest, 1919.)

orphanorumque sub tutela existentium portionibus sequestratis, tamen annotatus Sigismundus Chaky ea non contentus novam postmodum expetivisset divisionem, parte altéra etiam limitatione iurium possessionariorum flagitante, quo una quaeque partium sibi assignatorum bonorum iuriumque possessionariorum utilitatibus et creditibus sine iniuria certius tranquilJiusque frueretur, quorum quidem iurium limitatione dimissa per egregios magistrum Martinum Radwanczy protonotarium, Gregorium item literatum SomJiay directorem causarum illustrissimi principis domini domini Sigismundi Báthory de Somlio waivoda Transilvaniae et Siculorum comitis etc. domini nostri clementissimi etc. aliosque praecipuos viros, qui tunc ex commissione eiusdem principis ad id adhibiti fuissent, in oppido Karko comitatu Albensi Transilvaniae quantum praefatus Sigismundus Chiaky ad sui suorumque famulorum sustentationem ex redditibus eorundem iurium possessionariorum paternorum annuatim vei singulis mensibus caperet, limitatum fuisset descriptum. Sed et ea limitatione deinde reiecta eaedem ambae partes praemissam divisionem et deliberationem earumque observationem quocunque vinculo et oneribus firmatam obligatamque, omnemque inter partes praefatas aut sponte aut medio et opera quorumcunque in negotiis praescriptis hactenus initam transactionem actaque et obügationes quibuscunque formis perscriptas aut perscribendas irritas vanas cassas et inutiles fecissent reddidissentque, collatis et in unum confusis rebus mobilibus antea inter ipsos divisis, ut denuo dividerentur. Quae quidem divisio inter easdem partes ex earum partium spontanea voluntate modo introscripto per egregios Albertum Király capitaneum aulae familiariorum dicti domini principis Joannem Horwatt Bartakesytt provisorem Albensem et Joannem Balasffy notarium cancellariae iamfati domini principis et collegam nostrum, quibus videlicet per partes praefatas plenaria facultas et autoritas earundem dividendarum, et unicuique partium suas partes ex eisdem rebus assignandarum arbitrativeque omnia complanandarum sub onere mille aureorum florenorum Hungaricalium attributa fuisset, iisdem partibus, imo ipsis quoque Alberto Kyraly Joanne Horwath et Alberto Joanne Balasfy praesentibus et id nobis fideliter una-