Oklevéltár a gróf Csáky család történetéhez. I. Oklevelek 1229–1499. (Budapest, 1919.)

1488 október 1. A váradi káptalan jelenti a királynak, hogy 1488 augusztus 18-án kelt parancsára Ladányi Demeternét be akarta vezetni a biharmegyei Péterd birtok háromnegyed részébe, de Csáky Benedek, Mihály és Ferencz fiai ellentmondtak. Serenissimo principi et domino domino Mathie Dei gracia Hungarie Bohemie etc. regi ducique Austrie domino eorum naturali graciosissimo capitulum ecclesie Waradiensis oraciones in filio Virginis gloriose perpetua cum fidelitate. Vestra noverit serenitas nos literas eiusdem vestre serenitatis introductorias et statutorias nobis preceptorie loquentes et directas sumpmo cum honore recepisse in hec verba. Mathias Dei gracia Hungarie Bohemie etc. rex duxque Austrie fidelibus nostris capitulo ecclesie Waradiensis salutem et gráciám. Dicitur nobis in persona nobilis domine Elene consortis Demetrii de Ladan filie videlicet Ladislai de Cheged, quomodo ipsa in dominium trium parcium possessionis Petherd in comitatu Byhoriensi existentis habitarum ipsam dominam exponentem iure hereditario concernencium legitime vellet introire, super quo fidelitati vestre firmiter precipientes mandamus, quatenus vestrum mittatis hominem pro testimonio fidedignum, quo presente unus ex electis et iuratis nobilibus dicti comitatus Byhoriensis tamquam homo noster ad faciem dicte possessionis Petherd consequenterque dictarum trium parcium eiusdem possessionis in eadem habitarum vicinis et commetaneis eiusdem universis inibi legitime convocatis et presentibus accedendo, introducat prefatam dominam exponentem in dominium earundem, statuatque easdem eidem simulcum cunctis earum utilitatibus et pertinenciis quibuslibet premisso iure eidem domine exponentis incumbentibus perpetuo possidendas si non fuerit contradictum, contradictores vero si qui fuerint, evocet eosdem contra annotatam exponentem ad octavas festi beati Michaelis archangeli nunc venturas nostram personalem in presenciam racionem contradiccionis eorum reddituros, et post hec huiusmodi introduccionis et statucionis seriem cum contradictorum et evocatorum, si qui