Oklevéltár a gróf Csáky család történetéhez. I. Oklevelek 1229–1499. (Budapest, 1919.)

tutes cum ad invicem opponuntur et virtutes viciis preferuntur. Proinde ad universorum noticiam harum serie volumus pervenire, quod cum Mattheus quondam palatínus filius Petri palatini de genere Chaak possessiones predia castra oppida municiones et villás ad castra infranscripta pertinentes, tunc cum officio palatinatus regni nostri fungebatur, virorum nobilium comitis videlicet Ugrini Petri Lamperti et Ladislai filiorum comitis Cazmerü de genere Hunt Paznan occupasset, et licet easdem possessiones et castra potencialiter diuturne contra Deum et iusticiam occupata detinuisset, tamen demum versus in infidelitatem, multa dampna iniurias vastus incendia captivaciones nobilium, Dei timore postposito, nostram ut deberet non reverens maiestatem intulisset, nos volentes ipsius maliciis obviare et eiusdem excessus notorios et manifestos ulterius nolentes tolerare, contra eundem exercitum duximus destinandum, attendentes .... famulatus Lamperti predicti, que nobis in exercitu Domini Alberti ducis Austrie et Styrie, patris nostri charissimi, nunc regis Romanorum, una cum magistro Demetrio comite Posoniensi et de ... . fideli nostro, in conflictu eiusdem domini Alberti cum Odelpho rege Romanorum habito, in quoquidem bello idem Odelphus rex Romanorum occubuit, non sine sui cruoris effusione laudabiliter impendit, considerantes eciam prefati Ladislai, qui in servicio nobis exhibendo, sub castro Gregorii filii Pauli Munuzlou vocato extitit interemptus, possessiones et castra eorundem filiorum comitis Cazmerü, qui fidelitatem fidelitate continuando nostro adherentes lateri semper nobis et regno obsequia impenderunt graciosa, castrum videlicet Chehte castrum Pekchén castrum Raych castrum Boymoch et castrum Nohovan cum omnibus villis, ad ipsa castra pertinentibus et utilitatibus attinenciis ac circumstanciis eorundem, ab ipso Mattheo palatino auferendo eisdem comiti Ugrino Petro et Lamperto filüs comitis Cazmerü hereditarias, empticias et aquisitas, prout ipsorum fuerant ab antiquo de consilio beneplacito voluntate et consensu omnium prelatorum baronum et nobilium regni nostri venerabilium scilicet patrum Johannis Dei gracia archiepiscopi Colocensis, aule nostre cancellarii, Theodori Jauriensis, Haab Vaciensis, Michaéüs