Oklevéltár a gróf Csáky család történetéhez. I. Oklevelek 1229–1499. (Budapest, 1919.)

1422 november 20. Zsigmond király Csáky Istvánt és Györgyöt, Zsidai Istvánt és Becsket 1422 június 9-iki oklevele alapján megerősíti az abban felsorolt birtokokban. Sigismundus Dei gracia Romanorum rex semper augustus ac Hungarie Bohemie Dalmacie Croacie Rame Servie Gallicie Lodomerie Comanie Bulgarieque rex marchio Brandenburgensis necnon Lucenburgensis heres omnibus christifidelibus presentibus pariter et futuris presencium noticiam habituris salutem in omnium salvatore. Regie convenit dignitati, ut suas donaciones suis fidelibus subditis concambialiter largitas regio patrocinio per suarum lucidarum literarum series roboret et confirmet. Proinde universorum tam presencium, quam posterorum noticie harum tenore volumus fieri manifestum, quod fideles nostri sincere nobis dilecti magnifici Nicolaus de Chaak vayvoda noster Transsilvanus et Georgius fráter ipsius carnalis pridem Siculorum nostrorum, nunc vero Zathmariensis de Ugocha et de Crazna comitatuum comes suis ac Stephani et Bekch filiorum Stephani de Sydow patruelium fratrum suorum in personis nostri culminis adientes conspectum exhibuerunt nobis duas literas, unam nostram patentem secreto nostro moderno sigillo consignatam, qua mediante serenitas nostra eis eorumque heredibus et successoribus universis possessiones nostras regales Margythafalwa et Keech Hungaricales ac Dyser Zwnyogd Akor et Lyky vocatas Valachales populosas, necnon predium Hertygh appelatum habitatoribus destitutum alias in Zolnuk et de Crazna predicto nunc autem in Bihoriensi comitatibus habitas et existentes cum omnibus suis utilitatibus et pertinenciis quibuslibet tum pro concambiali perpetua permutacione possessionum ipsorum Felsewmaacha et Alsowmacha populosarum ac prediorum Thas et Iklad integrorum, item porcionum possessionariarum in possessionibus Sydow predicta ac Bathyan similiter populosarum, necnon prediorum Keer et Path nuncupatorum omnino in comitatu Pestiensi aput manus ipsorum pacifice habitarum et existencium per nosque ab eis de ipsorum beneplacita voluntate et consensu pro nobis et successoribus nostris regi-