Oklevéltár a gróf Csáky család történetéhez. I. Oklevelek 1229–1499. (Budapest, 1919.)
domini comitis Symonis de Rozgon iudicis curie serenissimi principis domini Sigismundi Dei gracia regis Hungarie etc. statutorias nobis directas honore quo decuit, recepimus in hec verba. Amicis suis reverendis capitulo ecclesie Waradyensis comes Symon de Rozgon iudex curie domini Sigismundi Dei gracia regis Hungarie amiciciam paratam cum honore. Noveritis, quod cum prefatus dominus noster rex possessiones Kenes populosam et Homrok vocatas habitatoribus destitutam in comitatu Byhoriensi existentes per defectum seminis condam Petri necnon Nicolai filii eiusdem de eadem Kenes simulcum universis earum utilitatibus et pertinenciis quibuslibet ex certa sciencia prelatorumque et baronum suorum consilio nove sue donacionis titulo et omni eo iure, quo eedem sue rite incumbunt collacioni, viro magnifico Nicolao de Chaak, pridem wayvode Transsilvano et per eum Georgio et Stephano de dicta Chaak fratribus suis ipsorumque heredibus et posteritatibus universis pro meritoriis serviciis dicti domini Nicolai wayvode, serie litterarum suarum patencium die dominico proximo post festum corporis Christi anno eiusdem millesimo quadringentesimo | 1409 június 9, Temesvár. nono in Temeswar confectarum coram nobisque in specie productarum dedisset et contulisset in perpetuum possidendas, ob contradictoriam inhibicionem statucionis dictarum possessionum iidem dominus Nicolaus wayvoda ac Georgius et Stephanus fratres eiusdem, nobiles dominas Veronica filiam Petri de dicta Kenes et Dorothea vocatas, consortem Andree de Kecheth contra se per modum iuridicum ad certum terminum regiam in presenciam in causam attraxissent, ipsaque causa partes inter easdem iuxta continenciam litterarum nostrarum prorogacionalium ad octavas festi beati Mychaelis archangeli in dicto anno domini millesimo quadringentesimo nono transacto preteriti prorogative deventa extitisset. Tandem ipsis octavis instantibus Stephanus filius Thome pro annotatis Nycolao wayvoda ac Georgio et Stephano cum procuratorüs litteris vestris in nostram veniendo presenciam, racionem premisse contradictorie inhibicionis assignari postularat per nobiles dominas antedictas coram nobis, quo percepto Stephanus de
