Oklevéltár a gróf Csáky család történetéhez. I. Oklevelek 1229–1499. (Budapest, 1919.)

1400 május 13. A csanádi káptalan bizonyítja, hogy Csáky Miklós és Bikócsai Domokos Urhida Tárnok és Pordány és egyéb csanádmegyei peres birtokokra nézve megegyeztek s azok határait a káptalan megjáratta. Capitulum ecclesie Chanadiensis omnibus christifidelibus presentibus pariter et futuris presencium noticiam habituris salutem in salutis largitore. Ad universorum noticiam harum litterarum nostrarum serie volumus pervenire, quod cum nos receptis litteris magnifici viri domini Detrici Bubek de Pelseuch regni Hungarie palatini adiudicatorüs pro viro magnifico domino Nicolao filio Stephani de Chaak comite Themesiensi actore et Dominico filio Johannis de Bykacha in causam attracto nobis directis iuxta eorundem continenciam unacum magistro Petro de Castroferreo, homine palatinali de curia regia specialiter ad infraseripta transmisso nostrum hominem videlicet magistrum Nicolaum socium et concanonicum nostrum pro parte ipsius domini Nicolai filii Stephani, annotato Dominico de Bykocha pro sui parte nostrum hominem minimé adducente ad infraseriptas possessionarias reambulacionem metarum ereccionem iuramentalem deposicionem et statucionem faciendas transmisissemus, qui tandem exinde ad nos reversi nobis voce consona retulerunt, quod ipsi in quindenis festi beati Georgii martyris proxime preteritis ad facies possessionum Wrhida Tárnok et Pordan vocatarum ipsius domini Nicolai filii Stephani actoris, necnon Byallak Fewenfelde Iwand Wyrew Tywessed Popizenthpeter Wereseghaaz Fanchal Bezermentheleke et Tothfalu vocatarum ipsius Dominici in causam attracti vicinis et commetaneis ipsarum parcium universis inibi legitime convocatis et ipsis partibus presentibus accessissent, ubi prefatus Dominicus de Bykocha suum iuramentum in facie terre decem aratrorum ac viginti sessionum in eadem Tothfalu habitorum inter partes litigiose remanencium iuxta iudiciariam commissionem dicti domini palatini facere ut debuisset, minimé prestitisset, his habitis idem noster et palatinalis homines ipsam terram decem aratrorum cum preseriptis viginti sessionibus in eadem possessione Tothfalu situatis me-