Oklevéltár a gróf Csáky család történetéhez. I. Oklevelek 1229–1499. (Budapest, 1919.)

dilectus fidelis noster nobilis vir Nicolaus filius Stephani de Sydou comes noster Themesiensis, celsitudinis nostre adiens conspectum, nobis humiliter exponere curavit, quod cum alias celsitudo nostra castrum Adryan vocatum in comitatu Byhoriensi habitum cum suis utilitatibus et pertinenciis universis sibi et per eum dicto Stephano patri ac Georgio fratri suis per alias nostras literas perpetuo contulisset ipso Nicolao in nostris arduis obsequiis et tuicione confiniorum regni nostri existente, ipse magister Nicolaus et dicti Stephanus páter et Georgius fráter sui se ipsos in dominium dicti castri et eius pertinenciarum infra tempus debitum statuifacere neglexissent, supplicans prefatus Nicolaus ipsis per nostram maiestatem superinde provideri de remedio opportuno. Nos itaque recensitis fidelitatibus et obsequiis eiusdem magistri Nicolai per ipsum maiestati nostre exhibitis et impensis, supplicacionibusque ipsius clementer exauditis sibi et dictis Stephano et Georgio de plenitudine regie potestatis graciose annuimus, ut ipsi non obstante premissa obmissione seu negligencia se ipsos in dominium dicti castri et eius pertinenciarum iuxta contenta literarum nostrarum donacionalium superinde confectarum statuifacere valeant atque possint, quapropter fidelitati vestre firmiter precipiendo mandamus, quatenus vestrum mittatis hominem pro testimonio fidedignum, quo presente Dominicus de Patha aut Nicolaus filius Mathie de eadem, sive Johannes filius Luce de Gyapoly, sin Paulus filius Jako de Kovachy aliis absentibus homo noster ad faciem dicti castri eiusque pertinenciarum vicinis et commetaneis eiusdem inibi legitime convocatis et presentibus accedendo non obstante, quod infra tempus debitum se in eosdem statuifacere non procurassent, statuat predictum castrum et eius pertinencias memoratis Nicolao Stephano et Georgio iuxta contenta dictarum literarum donacionalium nove nostre donacionis titulo possidenda, si non fuerit contradictum, contradictores vero si qui fuerint, citet ipsos contra prefatos Nicolaum Stephanum * et Georgium nostram in presenciam ad terminum competentem, racionem contradiccionis eorum reddituros. Et posthec omnium premissorum, prout fuerit expediens nobis fideliter rescribatis. Dátum Bude feria quarta proxima post festum