Budapest történetének okleveles emlékei. Monumenta diplomatica civitatis Budapest. Csánky [!] Dezső gyűjtését kiegészítette és sajtó alá rendezte Gárdonyi Albert I. (1148-1301). (Budapest, 1936.)

F. Dei gratia humilis monasterii sancte Marié Scotorum in Wienna, prepositus et decanus Nivnburgensis iudices a Sede Apostolica delegati magistro A[cus]plebano de Pest salutem et dilectionem. Onus, quod vobis auctoritate qua fungimur iniunxeramus exequendum, videlicet ut nobilem virum dominum Wernherum de Pest, quem suis exigentibus meritis et iustitia dictante vinculo excommunicationis innodavimus, deberetis excommunicatum publice nuntiare, volumus, ut ad presens conquiescat, quousque videamus, si in quarta feria Pentecostes Heimburch in ecclesia parrochiali, quem terminum et locum utrique parti prefiximus, idem per se vei saltim per procuratorem sufficienter ad omnia instructum coraverit(I) comparere iustitie pariturus. F. miseratione divina abbas Scotorum in Wienna et Ch. prepositus et F. decanus Nivnburgensis Wernhero nobili viro de Pest. Prepedientibus discriminibus viarum et turbationibus Austrie multimodis invalescentibus in termino, quem vobis et abbati Sancte Crucis super causa, que inter vos vertitur, in Heimburch prefiximus vice fungentes apostolica, personaliter adesse nequeuntes, ipsum negotium ob gravitatem sui, Iicet de iuris possemus beneficio, non tamen duximus alicui coinmittendum. Mandamus igitur, ut termino antefato prehabito secundum citationis nostre mandatum prestolemini, quod oportunitate huius exequendi negotii se prebente vobis secundum iuris exigentiam dirigemus. Cum autem consultum non sit, aliquem laqueis anathematis, quod est eterne mortis dampnatio, quoque in ecclesia pena maior non est, manere tamdiu innodatum, rationi consentaneum videretur, ut compositione congruenti evitatis laboribus ac expensis ipsum negotium sopiretis, ut sic per censequens communioni ecclesie mereremini reformari. Hec autem omnia iustis de causis facientes ipsum nogotium volumus inmotum in statu pristino permanere, ita quod ex huius prorogatione neutri parti preiudicium generetur. F. dei gratia humilis abbas Scotorum in Wienna, C. prepositus et F. decanus Nivnburgensis iudices a Sede Apostolica delegati nobili domino Wernhero de Pest. Cum propter generalem Austrie turbationem ac viarum discrimina in causa, que inter vos et abbatem ac conventum monasterii Sancte Crucis vertitur, sicut plenius intellexistis, quam ex delegatione apostolica suscepimus terminandam, procedere non potuerimus, vobis direximus scripta nostra sub hac forma, ut eadem causa in statu eodem, in quo tunc erat, perdurante expectare a nobis citationem aliam deberetis. Verum quia per Dei gratiam pessimus predicte terre status aliquantulum est in melius református, nos mandatum apostolicum negligere non audetr-