Budapest történetének okleveles emlékei. Monumenta diplomatica civitatis Budapest. Csánky [!] Dezső gyűjtését kiegészítette és sajtó alá rendezte Gárdonyi Albert I. (1148-1301). (Budapest, 1936.)

rj I Róma, 1216. április 1. Pelagius és István bibornokok az esztergomi érsek és a I veszprémi püspök között a királyné koronázása és egyéb joghatósági kérdések, többek között a budai káptalan és Buda város felett gyakorlandó joghatóság ügyében .támadt perben egyességet hoznak létre a peres felek között. Pelagius miseratione divina episcopusAlbanensisetStephanus basilice duodecim apostolorum presbiter cardinalis universis presentem paginam inspecturis salutem in omnium Salvatore. Ad notitiam vestram volumus pervenire, quod venerabilis in Christo páter Vesprimiensis episcopus, olim apudSedem Apostolicam constitutus, reverendum in Christo patrem Strigoniensem archiepiscopum per litteras apostolicas citari obtinuit, sibi super coronatione et inunctione reginarum Hungarie, abbatiis et preposituris regalibus sue diocesis et aliis iniuriis responsurum ; utroque igitur, termino prefixo, conparente, ad communem eorum petitionem dedit nos summus pontifex super propositis articulis cognitores. Coram nobis itaque proposuit prefatus episcopus, presente archiepiscopo, contra eum, quod iure et possessione coronandi et inungendi reginas eundem auctoritate propria spoliaverat; chrisma, oleum sanctum et alia ecclesiastica sacramenta preposituris et abbatiis regalibus, intra Vesprimiensem diocesim, in ipsius preiudicium conferendo, et alia iura episcopalia usurpando, in eiusdem episcopi gravissimam lesionem. Demum post altercationes multiplices, unanimi voluntate consensum est ab utroque, quod nos, iuxta domini pape mandatuin, questiones propositas amicabili, si possemus, concordia vei iudicio sopiremus. Unde nos fere de partium voluntate sic duximus statuendum, quod si rex et regina simul coronari debeant et inungi, Strigoniensis coronet et inungat regem et Vesprimiensis reginam ; si vero sola regina coronari debeat et inungi, Strigoniensis inungat eam, Vesprimiensis autem coronam imponat eidem ; quod si contingat Strigoniensem in coronatione regine abesse, Vesprimiensis nichilominus inungat et coronet eam. Porro Strigoniensis consuetudine, qua circa prepositum et canonicos Budensis ecclesie, in confirmatione videlicet, institutione, destitutione et causis inter ipsos emergentibus hactenus in eadem ecclesia usus est, ex permissione Vesprimiensis utatur. Si autem contingit Strigoniensem in Budensi ecclesia ordines celebrare, [non ordinet] clericos Vesprimiensis diocesis, sed prepositum et canonicos Quod si idem confecerit crismaibi, Budenses canonici pro se ... recipiant oleum infirmorum ab ipso. Pro baptisandis autem seu confirmandis pueris ville Budensis, quos constat ad Vesprimiensem diocesim pertinere, crisma vei oleum infirmorum non recipiant ab eodem, sed a Vesprimiensi ecclesia, a cuius episcopo et non