Budapest történetének okleveles emlékei. Monumenta diplomatica civitatis Budapest. Csánky [!] Dezső gyűjtését kiegészítette és sajtó alá rendezte Gárdonyi Albert I. (1148-1301). (Budapest, 1936.)

Pest et de Yeneu per nostre citationis edictum venerabiles viros Gerardum prepositum et capitulum ecclesie Sancti Petri de Veteri Buda super tributo nauli tam in denariis, salibus, quam in aliis rebus quibuscunque consistente coram nobis traxissent in causam, ambarum partium procuratoribus in certo termino assignato in nostri presentia constitutis per comitem Bartholomeum nobilem de genere Katha officialem domine Elysabeth de Insula dominarum cum literis eiusdem domine ratihabitionem continentibus et Albreth de Pest procuratores et actores predicte societatis nautarum procuratorio nomine eorundem propositum extitit in hunc modum, quod cum ipsi naute de Pest et de Yeneu essent ab antiquo liberi prorsus et exempti ab omni prestatione tributi sive nauli, ad tertiam partém nauli nullo iure eis debitam persolvendam et tributum salium per predictos prepositum et capitulum indebite et iniuste cogerentur, petentes a nobis cum instantia, ut eosdem a prestatione predicti tributi sive nauli sententialiter pronuntiare absolutos dignaremur. Ex adverso vero per procuratores sive sindicos prepositi et capituli predictorum, videlicet nobilem et discretum virum magistrum Ladislaum lectorem Budensem et magistrum Paulum cantorem eiusdem ecclesie vicecancellarium aule domine regine animo contestandi litem responsum fűit probabiliter ad predicta, quod cum ipsi naute de Pest et de Yenev tertiam partém nauli sive tributi tam in denariis, quam in salibus, quam etiam in aliis rebus quibuscunque consistentem a tempore, cuius non extat memória, sine fraude et dolo integraliter et sine diminutione aliqua officialibus sive tributariis ecclesie Budensis recipientibus nomine prepositi et capituli pacifice hactenus persolvissent, ut tenentur, assumpto nunc spiritu rebellionis et superbie, cum multe divitie in presenti persecutione Tartarorum acquisite eos faciant insanire in Dei viventis offensam, intolerabile damnum et gravem iniuriam ecclesie Budensis, eis dare et solvere predictam tertiam partém nauli sive tributi indebite et iniuste contradicunt, super quibus omnibus litteris compositionalibus comitis Walteri quondam rectoris castri Budensis et duodecim iuratorum eiusdem civitatis, necnon privilegio confirmationis domini nostri Ladislai Dei gratia illustris regis Hungarie predictam compositionem ex certa scientia roboratis se fore munitos et vallatos allegarunt supplicantes nobis, ut nautas supradictos ad solutionem predicte tertie partis tributi sive nauli in quibuscunque rebus consistentis per calculum diffinitive sententie condemnare deberemus. Lite igitur in predicta causa inter procuratores partium sollempniter contestata, auditis iuribus, rationibus et allegationibus, visis