Budapest történetének okleveles emlékei. Monumenta diplomatica civitatis Budapest. Csánky [!] Dezső gyűjtését kiegészítette és sajtó alá rendezte Gárdonyi Albert I. (1148-1301). (Budapest, 1936.)

164 1279. A budai káptalan előtt a margitszigeti apácák Uza fia Péter birtoka negyedrészének harmadát, amelyet a Káta nemzetségbeli Jula comestől váltottak meg, a nevezett Uza fia Péter és testvérei örököseinek visszaadják, az utóbbiak viszont egész Jenőt az apácáknak engedik át. Capitulum Budensis ecclesie omnibus Christi fidelibus presens scriptum inspecturis salutem in Eo, qui est vera salus. Universorum tam presentium quam futurorum notitie harum serie declaramus, quod Thomas, filius Thome dicti Cabas, Symon et Bartholomeus, filii Francissci, ab una parte, Petrus officialis sororum Sancte Marié de Insula pro eisdem sororibus ex altéra coram nobis personaliter constituti tale inter se concambium fecisse sunt confessi, quod quartam universarum possessionum Petri, filii Wza, ubicunque locorum constitutarum, quas idem Petrus cum Thoma dicto Cabas et cum Francisco, fratre suo uterino, habebat, cuius quarte tertiam idem comes Petrus dixit predictas sorores a comite Iwla de genere Cata pro novem marcis fini argenti redemisse, ad quem Iwlam predicta tertia ratione duelli fuerat devoluta, cum tota tertia ipsam quartam prefatus comes Petrus nomine sororum predictarum dedit, tradidit et assignavit Thome, filio Thome dicti Cabas, et filiis Francissci memoratis ac eorum heredibus heredumque suorum successoribus iure perpetuo possidendam. In cuius quidem quarte et tertie prefatus Thomas et filii Francissci antedicti permutationem et concambium totam terram Jenew, quam Petrus, filius Wza, cum fratribus suis memoratis in concambium cuiusdam ville eorum Budun vocate a comite Jaak habuerant, tradiderunt, statuerunt et assignarunt dictis sororibus et ecclesie memorate irrevocabiliter et quiete perempniter possidendam, astantibus nichilominus comite Jaak, item Chuda comite, Bartholomeo et Wza, filiis Symonis pro se et aliis cognatis eorum de genere Corthol, consensum huiusmodi contractui prebentibus et assensum, obligantes tam se, quam heredes suos predicti Thomas et filii Francissci ad expediendum predictas sorores et ecclesiam memoratam ab omni, quam ratione dicte ville Jenew per quoscunque temporis processu moveri contingeret, questione. In cuius rei memóriám perpetuamque firmitatem ad petitionem partis utriusque presentes concessimus litteras nostri sigilli munimine roboratas. Dátum per manus magistri Ambrosii lectoris Budensis, anno Domini M° CC° LXX° nono, magistro Johanne cantore, Laurentio custode, Pangratio decano, Zele et Johanne sacerdotibus, Stephano ac Elya magistris ceterisque canonicis existentibus.