Budapest történetének okleveles emlékei. Monumenta diplomatica civitatis Budapest. Csánky [!] Dezső gyűjtését kiegészítette és sajtó alá rendezte Gárdonyi Albert I. (1148-1301). (Budapest, 1936.)

exnunc libere transferendi liberam habeat facultatem. Hac itaque gratia de nostra pietate regia effectualiter assecuta dictus Nana comes una cum nobili domina uxore sua, filia Moys quondam comitis palatini, frequentius deliberans, quam de possessionibus predictis oKdinationem possit facere, anime sue salubre et maiestati Altissimi gratiorem elegit, ut pro transitorio seu caduco heredem, successorem sibi in bonis predictis constituat Gloriosam Virginem, Dei et hominis Genitricem, suam et predicte coniugis sue animas per largitionem temporalium huiusmodi patrocinio eiusdem Gloriose Virginis specialius recommendans. Personaliter igitur coram nobis constitutus omnes possessiones suas tam hereditarias quam emptitias vei quocunque alio titulo acquisitas concessit, contulit, tradidit et donavit ecclesie Beatissime Virginis de Insula ipsius nomine titulata ac per ipsam et pro ea karissimis filiabus nostris, sororibus ministrantibus in eadem, iure perpetuo et pacifice possidendas, volens idem Nana comes, ut hec recognitio donationis possessionum coram nobis facta translationis dominii et corporalis traditionis exnunc facte vires habeat pleniores, posteriore donatione vei traditione, si quam forte tumultuario mentis impulsu in parte vei in toto vellet facere, mutató proposito tam salutari et sancto, vires aliquas non habente, cum se in ipsis possessionibus usufructuarium, quoad vixerit, constituerit, proprietati et dominio earumdem possessionum exnunc translatis in ecclesiam antedictam salvo eo, quod si eidem Nane comiti medio tempore filius nasceretur, omnia, que sua fuerunt, ad ipsum vei eius filium cum plena proprietate et dominio revertentur, usufructu per consolidationem proprietatis absumendo, quem si vivente patre vei ilico post eius mortem finire contigerit dies suos, collationis, donationis seu transfusionis possessionum predictarum series salva et integra remanebit, omnibus possessionibus, quarum nomina inferius annectentur, pleno iure proprietatis et dominii, sicut in casu priori, remanentibus apud ecclesiam antedictam. Hoc etiam adiectum extitit per eundem, quod si domina uxor sua superviveret viro suo, remanebit in possessionibus, quas eidem Nana comes ratione dotis, dotalitiorum seu donationum propter nuptias assignavit, quarum etiam nomina inferius specialiter exprimentur, in quibus ipsa domina, quoad vixerit, ut usufructuaria remanebit, ea vero decedente revertentur cum proprietate et dominio ac fructibus et utilitatibus ad predictam ecclesiam Virginis Gloriose. Omnes autem alie possessiones comitis Nane predicti post ipsius mortem statim recidunt in ius et proprietatem ecclesie superius memorate. Nos itaque considerantes iustum et equum esse voluntates dominorum