Iványi Béla: Bártfa szabad királyi város levéltára. 1319-1526. (Budapest, 1910.)
liales sew votivas celebrari facere pro eorum salute concepissent et proposuissent sub articulis clausulis et formis verborum sequentibus et infra nominandis. Item primo, quod quilibet sacerdotum in eadem confraternitate existentium singulis ebdomadis pro animabus ipsa in confraternitate sew kalendino decedentibus, integras vigilias cum laudibus legendo perficere obligetur et teneatur. Laycalis vero populus utriusque sexus semel in ebdomada orationes, videlicet septem páter noster et totidem Ave Maria cnm tribus simbolis sub eodem voto conscientie dicere sit astrictus. Item quilibet sacerdotum eadem in confraternitate existentium unam missam pro defunctis legere obligetur quolibet in mense. Item singulis in quatvor temporibus omnes et singuli plebani et sacerdotes eandem fraternitatem concernentes ad unum locum congruentem per ipsos deputatum obligentur convenire, sollenniter missarum officia in honore beate Marié matris misericordie, cum missis et vigiliis pariter etiam defunctorum cantandis et legendis celebraturi. Laycalis vero populus utriusque sexus orationes suas duplicando, similiter etiam peragendo, si quis fratrum vei sororum per mortem decederet, et omni modo et forma cum vigiliis missis et omnibus peragi debebit, triginta etiam missas pro anima ipsius defuncti per eosdem sacerdotes in sepefata fraternitate existentes legendi et conplendi, item singulis ebdomadis in predicta ecclesya parochiali Sancti Egidii in Barthfa una missa pro animabus defunctorum in eadem confraternitate decedentium devocius cantetur, habentes insuper totius intentionis affectum, singulis sabbatis diebus maturam missam de beata Virgine sollenniori qua poterimus officio peragendo decantere altari in predicto. Suplicans nobis prefatus dominus Andreas archidiaconus nominibus et personis quibus supra, debita precum cum instantia, ut voto et dispositioni, salubri prescriptorum dominorum plebanorum atque ipsius altaris et confraternitatis ordinationi erectioni dotationi fnndationi et missarum celebrationi antedictis nostrum benivolum consensum prebere ac ipsas erectionem ordinationem et fundationem predictarum confraternitatis et altaris atque kalendini prescripti auctoritate nostra ordinaria, qua fungimur confirmare ac indulgenciis salutiferis ob maiorem Christifidelium devotionem et affluentiam roborare et dotare dignaremur. Nos igitur attendentes huiusmodi supplicationem prefati domini Andree archidiaconi, nobis nominibus et personis quibus supra porrectam, fore iustam et salutiferam ac iuri et rationi consonam, huiusmodi confraternitatis kalendini sew altaris erectionem dispositionem ordinationem fundationem et dotationem missarumque celebrationes, quo ad omnes earundem clausulas continentias et articulos ratificamus acceptamus et approbamus
