Gerevich Tibor–Jakubovics Emil–Berzeviczy Albert: Aragoniai Beatrix magyar királyné életére vonatkozó okiratok. (Budapest, 1914. Monumenta Hungariae Historica. Diplomata 39.)
Der Kg. zu Hungern hat in der mitte uff einem silberin obirgoltten stulle uff golden kissen gesessin, desglichen auch under den fussen gehapt, uff der rechten seite hat ym der Kg. zu Bemen ouch uff einen vorgultten stulle uff golden küssen gesessin, desgleichen under den fussen gehapt. Derselbige stul ist ezwas nideriger denne des Kg.'s zu Hungern stul gewest- Nach ym haben dy Bemeschen Hh. unde dy batschaft von Luczelborgk off xv perschon unde kein einander obir gesessin, uff der hintern seite hat dy Kgin beim Kg.-e zu Hungern gesessen, gleicherweisse also der Kg. zu Bemen dy zertenne (?) Kgg. unde dy Kginne haben mit einander ge[se]ssin, darnach hat des Kg-s svvager unde Hz. Otte gesessen, darnach mein H. von Meissin unde ich, darnach der Deutschen Hn. batschaft, ir drei, darnach des marcgraffen batschaft, uff der taffei habin acht kredenzen gestanden, dy man vor der gist phlegt uffzusezen. Man hat uff der taffei zu neun silbern angericht unde uff izliche silber, also den Kggen. Es sint ouch x tisch ster gewest, denne izlich Kg. hat sei[nen] eigen tischster gehapt. Der dinst ist gar ordenlich unde herlich bestalt gewest, her hat nicht mer denne XII essin ader kestlich essin gegebin. Dy Kg. unde Kgin-e assin aus golden schosseln, dy ander alle auss grossen silbirn. Ess sint drei grosse almess fass unde ein schiff, allis van silber vor der taffei gestanden da man schiltbrot eingeworffen. Das essin hat sich umbe fire uff dy nacht geendet, darnach hat man getanzt biss nach sibin. Darnach sint dy Kg. unde Kgin-e unde yderman an seinen herberge gegangen. Zum tanze hat der Kg. unde Kgin-e ezlicher H. weiber geladen unde sint das dy frauen dy dar gewest sint, Gr.-e Petterss von Possinge frau, H. Stiberss unde Hn. Janss von Dobeschaw frauin, des von Sternberges frau, H. Albrecht Koskin witwe mit orren juncfrauin unde sunst dryer Mererische Hh. tochter, ouch juncfrauin. Under dem tanze hat Hz. Fryderich von Legenicz 1 unde Kaspar von Schonbergk im buntwerk gerant, sind beide besessen. H. Ernst von Schonbergk unde Heynrich 1 Liegnitz.
