Kristó Gyula: Anjou–kori Oklevéltár. I. 1301-1305. (Budapest–Szeged, 1990.)

PRAEFATIO Tomi seriei nostrae omnes fontes archivorum, qui a primo die mensis Ianuarii anni 1301 usque ad tricesimum diem mensis Mártii anni 1387 scripti sunt et ad territórium regni Hungáriáé aetate Andegavensium regum pertinent, plerumque in forma regestorum produnt. Sed ii fontes, qui de rebus intestinis urbium litorearum Dalmatiae nonnunquam sacrae coronae regni Hungáriáé subiectarum tractant, a nobis haud collecti sunt. Item omisimus nummos Hungaricos in documentis externis memoratos. Ante seriem nostram iam duobus vicibus inceptum est fontes Hungarorum aetatis Andegavensium regum prelo commendare. Diplomatarium plus quam quadraginta tomorum, quod auctore Georgio Fejér (F.) inscribitur Codex diplomaticus Hungáriáé ecclesiasticus ac civilis, continet in se fontes nonnullos aetatem supra dictam repraesentantes. Septem tomi Codicis diplomatici Hungarici Andegavensis (AO.) praecipue textus adhuc non publicatos, at nonnisi usque ad primos menses anni 1359 scriptos proferunt. Eo consilio instabamus operi, ut codex diplomaticus et epistolaris eiusmodi componeretur, in quo quaeque litterae aetatis Andegavensium regum demonstrarentur, sive hae publici iuris factae, sive non essent. Quo solidius fieret opus nostrum, pervestigationem factitabamus - quantum potest - perfectam in collectionibus litterarum medii aevi in Archivo Nationali Hungáriáé, id est in Collectione litterarum ante cladem Mohács (1526) datarum (DL), ubi plus