Nagy Imre: Anjoukori okmánytár. Codex diplomaticus Hungaricus Andegavensis. VI. (1353–1357) (Budapest, 1891.)

Corrardum filium Nicolai de Gyozegh, ad videndum iuramentalem deposicionem eiusdem magistri Stephani filii Laurencii in octavis festi beati Georgii martyris proxime preteritis, nostra testimonia transmittere debuissemus; ipso igitur termino occurrente, pro parte predictorum magistrorum Jacobi et Pauli . . Ladislaum archidiaconum de Bekes socium et concanonicum nostrum, item pro parte eorumdem magistrorum Stepliani et Corrardi similiter . . Gregorium presbiterum canonicum minoris ecclesie sancte Marié, unacum Gallo homine ipsius domini episcopi prelati nostri transmisimus, ut debebamus, ad videndum divisionem silve memorate et ipsius iuramenti deposicionem. Tandem idem magister Jacobus pro se personaliter et pro eodem magistro Paulo fratre suo ab una parte, ex altéra vero idem Corrardus propria in persona, et Demetrius filius Andree serviens et legitimus procurator eiusdem magistri Stephani filii Laurencii . . pro eodem domino suo, unacum prenominatis nostris testimoniis et homine ipsius domini episcopi ad nos exinde reversi, et per nos requisiti nobis concorditer retulerunt,, quod ipsi in predictis octavis beati Georgii martyris proxime preteritis ad faciem prenominate possessionis Hotliaz pariter accessissent, ubi ante omnia iidem magistri Jacobus et Paulus relaxato ipso iuramento, per predictum magistrum Stephanum deponendo, rectam quartam partém eiusdem silve a plaga meridionali adiacentem, per longitudinem fune mensurando, eisdem magistris Stephano et Corrardo reliquissent perpetuo possidendam, ad possessionem eorumdem Duruglesy vocatam applicantes. Hoc facto residuas tres partes eiusdem silve iidem magistri Stephanus et Corrardus per longitudinem modo infrascripto divisissent in duas partes coequales, easdem his metis separando: nam primo incipientes a plaga orientali in quodam berch unam metam terream de novo erexissent, deinde pergentes ad partém occidentalem in latere eiusdem silve aliam metam terream currentem sublevassent, abhinc directe procedendo ad eandem plagam occidentalem usque quandam arborem ilicis tredecim metas terreas currentes, sibi ipsis succedentes, de novo confodissent, quam quidem arborem ilicis ad eandem perveniendo, meta terrea circumfodissent, iuxta quam aliam metam terream elevassent, quarum una a plaga meri-