Nagy Imre: Anjoukori okmánytár. Codex diplomaticus Hungaricus Andegavensis. VI. (1353–1357) (Budapest, 1891.)
.. . ad nostram accedendo presenciam exhibicione literarum vestrarum rescripcionalium eundem magistrum Lourandum filium Mykch condam bani iuxta nostre adiudicacionis formain, contra eosdem magistrum Ladislaum de Eozgon et Nicolaum filium Petri ad tunc presentes octavas festi beati Michaelis archangeli evocatum extitisse comprobarant manifeste, qui quidem magister Lourandus ad easdem octavas festi beati Michaelis archangeli non venerat neque miserat, se mediantibus aliis literis nostris in iudiciis aggravari committendo, postulantes iidem Nicolaus filius Petri et Stephanus rufus procurator iam dicti magistri Ladislai de Eozgon . . ut ipsis ex parte predicti magistri Lourandi filii Mikch condam bani medelam iusticie elargiri dignaremur. Unde quia nobis prelatis et baronibus regni in iudicio nobiscum assedentibus, idem magister Lourandus filius Mykch condam bani per regium et vestrum homines super premissis racionem redditurus vice terciaria evo-cari debere videbatur, ideo vobis literatorie scribentes vestram amiciciam requisieramus . . quatenus vestrum mitteretis hominem pro testimonio fide dignum, quo presente Stephanus filius Nicolai dicti Chyrke vei Johannes filius Michaelis de Kokso aut Makou filius Gregorii, aliis absentibus homo regius predictum magistrum Lourandum filium Mykch condam bani racionem super omnibus premissis redditurum, contra predictos magistrum Ladislaum de Eozgon et Nicolaum filium Petri ad terminum competentem evocaret in presenciam regie maiestatis, et post hec ipsius evocacionis seriem cum nomine evocati et termino assignato in vestris literis regie . . rescriberetis maiestati. Denique nobis in quindenis festi beati Martini confessoris unacum baronibus et nobilibus regni pro faciendo causantibus moderativo iudicio tribunal iudiciarium sedentibus, prenotatus Stephanus rufus pro eisdem magistro Ladislao filio Johannis de Eozgon et Nicolao filio Petri de eadem . . ad nostram accedendo presenciam literas vestras super premissa evocacione regie excellencie rescriptas nobis presentavit, in quibus inter cetera per Steplianum filium Nicolai dictum Chyrke hominem regium presente fratre Nicolao testimonio vestro, in festő beati Martini confessoris proxime preterito, predictum magistrum Lourandum filium Mykch condam bani super possessione sua