Nagy Imre: Anjoukori okmánytár. Codex diplomaticus Hungaricus Andegavensis. VI. (1353–1357) (Budapest, 1891.)
397. 1357. Vasvár, oct. 9. Vas vármegye alispánja és szolgabírói Nagy Istvánt Hegy nevű faluból a Sár vize mellett, ki Mákfai Petőtől egy szeg színű és egy szár színű lovat eltolvajlott, halálra ítélik. Nos magister Stephanus filius Lorandi comes Castriferrei magnifici viri Nicolai Kontli regni Hungarie palatini iudicis comanorum Castriferrei et Soproniensis comitatuum tenentis lionorem ac iudices nobilium eiusdem Castriferrei comitatus memorie commendamus, quod nobis feria secunda proxima post octavas festi beati Michaelis archangeli pro faciendo iudicio moderativo consedentibus magister (Peteu filius Mark) de Makua personaliter ad nostram accedendo presenciam, quendam (hominem Stephanum) magnum nomine hospitem furis (per) hominem nostrum ordine iudiciario recaptivatum, nobis ad sedem nostram iudiciariam introduxit, contra quem in figura nostri iudicii proposuit in hunc modum, quod idem Stephanus magnus tunc in possessione Hegy vocata commorans et de eadem egrediens, ad festum Invencionis sancte crucis hoc anno preteritum lucescente, de propria domo sua iuxta Saar habita furtive abstulisset duos equos suos zeg et zar coloris, quos ad visum et scitum plurium et pociorum nobilium et ignobilium hominum Castriferrei et Soproniensis comitatuum publice et manifeste vendidisset Stephanus magnus supradictus, et quod hoc verum est, ad provincie nobiles tunc nobiscum adherentes submitteret magister Peteu supradictus; cumque nos his auditis provincie nobiles nobiscum adherentes super eo, quomodo et qualiter prefatus Stephanus magnus se ( ) et tenuisset, provincie nobiles et innobiles diligenter et conscienciose requisitos habuissemus, tandem iidem provincie nobiles et innobiles ad fidem et fidelitatem ipsorum deo et sacre corone debitas, communi et matúra deliberacione prehabita, prefatum Stephanum magnum publicum et manifestum furem et latronem ac devastatorem tocius p(rovincie) imo eciam plurium provinciarum fuisse et esse affirmarunt et nobis assignarunt, et licet his itaque habitis ipsum Stephanum magnum pena et morte patibuli comdemnare poteramus, tamen ob maioris iusticie evidenciám unacum provincie nobilibus commisimus tali modo, quod ipse magister Peteu
