Nagy Imre: Anjoukori okmánytár. Codex diplomaticus Hungaricus Andegavensis. VI. (1353–1357) (Budapest, 1891.)

Nicolaus filii Emerici de Wyld, aut Jobannes filius Dominici de Olason, sive Nicolaus filius Salamonis de Wtwys aliis absentibus homo sue regie maiestatis eandem dominam in possessionarium ius suum in dicta possessione Olason cum iure quarte puellaris domine matris sue contingentis statueret iure observato, si per quempiam non fieret contradictum, contradictores vero, si qui apparerent, ipsos contra eandem dominam in suam regiam ad octavas festi beati Michaelis archangeli tunc proxime venturas evocaret presenciam, contradiccionis eorum racionem reddituros, et post hec seriem premissorum eidem domino nostro regi fideliter rescriberet conventus prenotatus. Tandem idem conventus . . unacum predicto Johanne filio Dominici homine regio ipsorum hominem . . transmisissent ad premissa exsequenda, qui demum . . retulissent, quod cum ipsi ad prefatam possessionem Olason accessissent et dum eandem ipsi . . statuere voluissent, magister Paulus filius Pauli de Zolok ipsos prohibuisset in hunc modum, quod ipsa possessio esset in lite cum eodem et ob hoc se non posse respondere asseruisset et eundem magistrum Paulum ob idem in regiam presenciam evocassent contra predictam dominam racionem super premissis redditurum, octavas festi beati Michaelis archangeli partibus pro termino assignando. Quarum literaram exhibicionibus factis, prefatus magister Paulus personaliter exsurgendo annotatam Olason apud ipsum modo esse, pluries per nos requisitus, affirmarat, et cum nos his perceptis eandem possessionem Olason ipsi domine, prout ordo iuris requireret, statui debere commisissemus, mox ibidem . . idem magister Paulus postergata premissa sua primaria responsione, dictam possessionem Olason apud se esse asseruerat et per regiam clemenciam sibi datam et collatam fuisse exhibicione literarum regalium declararat. Visis itaque premissarum literarum dicti conventus de Demenk continenciis ac eciam assercionibus ipsius magistri Pauli perceptis, quia idem magister Paulus tempore predicte statucionis nominate possessionis Olason vocate modo prehabito prescripte domine fiende prohibicionem fecisse reperiebatur, et tunc coram nobis eandem possessionem nec suam esse, nec apud ipsum existere, postmodumque his suis allegatis obmissis . . ipsam possessionem apud manus suas existere et sibi per regiam collá-