Nagy Imre: Anjoukori okmánytár. Codex diplomaticus Hungaricus Andegavensis. IV. (1340–1346) (Budapest, 1884.)

predictarum possessionum eorum adducerent, et iidem tres homines inter eos qualescunque metas darent ostenderent seu eis assignarent, dividendoque ipsam possessionem Nyek in duas rectas partes, ipse partes acceptarent et pro veris ac perpetuis metis haberent et tenerent; cuius quidem possessionis Nyek medietas circa terram predicte ville Moyteh existens deberet adiungi eidem seu assignari in porcionem Nicolai supradicti, alia vero medietas predicte possessionis Nyek annecti deberet possessioni ipsius Petri Gezth vocate cum metis dividendo seu separando; preterea eedem partes assumsissent, quod super omnibus aliis causis . . eodem die et loco coram ipso homine capituli prenominati tres nobiles secundum deum inter eos quicquid arbitrarentur, ambe partes acceptarent, et si qua parcium eorumdem trium nobilium arbitrium non acceptaret, aut predictarum metarum assignaciones vei ostensiones aut distincciones non assummeret et refutaret in parte vei in toto, pene quindecim marcarum absqüe iudicis porcione parti premissa seu quodlibet premissorum acceptanti . . ante litis ingressum persolvendarum subiaceret ipso facto . . Tandem idem capitulum Posoniense . . Johannem concanonicum ipsorum ad videndum premissa transmisissent, qui demum unacum ipsis partibus scilicet Nicolao filio Mathie et Petro filio Kenez prenominatis, arbitris tamen prenotatis absentibus, ad ipsum capitulum Posoniense reversus ipsis retulisset: sabbato in die beati Michaelis archangeli nunc preterito super faciem possessionum Gezth et Moyteh unacum ipsis partibus simul eciam cum Mese et Jacobo filio Andree duobus arbitris parcium prenotatis accessisset, et Nicolaus dictus magnus tercius arbitrorum illuc non venisset sed misisset literas suas de ostensione metarum inter predictas possessiones locari debencium suam voluntatem continentes; item prenominatus Mese domino suo magistro Laurencio eum prohibente ne quicquam inter ipsas partes arbitraretur vei ostenderet, arbitrari ausus non fuisset et illinc recessissent; quod ipse partes videntes, ne illinc absque fine discederent, concordie ob amorem arbitrio ordinacioni et ostensioni Jacobi filii Andree sepedicti solummodo sese pariter submisissent; qui quidem Jacobus iuxta suam fidem loca metarum inter predictas possessiones Moyteh et Gezth locari et