Nagy Imre: Anjoukori okmánytár. Codex diplomaticus Hungaricus Andegavensis. III. (1333–1339) (Budapest, 1883.)
ius habere dixisse vei aliquam prohibicionem fecisse videbantur, nisi predictus Dominicus filius Thudbeyg, qui earn titulo premissorum instrumentorum ab eadem relicta Kaydan pro pecunia decem marcarum sibi devolutam fore declarabat, et demum recepta ab eisdem filiis Jacobi ipsa sua pecunia decem marcarum eandem possessionariam porcionem eisdem filiis Jacobi perpetuo coram iam dicto capitulo Albensi resignasse reperiebatur, et ex eo eadem possessionaria porcio quondam Kaydan in Kysberey habita tum ex regia collacione tum eciam ex satisfaccione dicte dotis et rerum parorfanalium eisdem filiis Jacobi pertinere dignoscebatur, ideo predicto capitulo Albensi . . literatorie scribendo eorum amiciciam duximus postulandam. ut ipsi hominem eorum transmitterent, quo presente Anduch de Hwla vei Iwanka filius Johannis de Berey altero absente homo domini regis ad faciem dicte possessionarie porcionis quondam Kaydan in dicta Kisberey habite . . accederet, et eandem cum omnibus suis utilitatibus . . eisdem filiis Jacobi de Zedregh, non obstante contradiccione quorumlibet, eo quod excepto ipso Dominico tempore dicte litis et reambulacionis ac solucionis nullus apparuisset contradictor, statueret sine preiudicio iuris alieni perpetuo possidendam, novas metas iuxta veteres ubi necesse fieret erigendo ; si qui autem alii aliquod ius se habere sperarent in eadem, facta premissa statucione exsequerentur moderamine iuris mediante ; et post hec seriem premisse possessionarie statucionis cum cursibus metarum memoratum capitulum Albense fideliter rescriberet regie maiestati. Demum itaque predictum capitulum Albense in suis literis regie rescripsit maiestati in hunc modum, quod predictus Iwanka filius Johannis de Berey homo domini regis presente . . Johanne coneanonico et . , testimonio ipsorum in vigilia beati Martini confessoris nunc preterita dictam possessionariam porcionem quondam Kaydan in Berey habitam cum utilitatibus suis vicinis et commetaneis eiusdem convocatis . . reambulasset et reambulatam predictis filiis Jacobi sine preiudicio iuris alieni statuisset [perpetuo possidendam; unde quia predicta possessionaria porcio quondam Kaydan in Kysberey habita tum ex regia collacione tum ex satisfaccione dicte dotis ac rerum parorfanalium prenominatis filiis Jacobi
