Kammerer Ernő–Döry Ferencz: A zichi és vásonkeői gróf Zichy-család idősb ágának okmánytára. Codex diplomaticus domus senioris comitum Zichy de Zich et Vasonkeo. XI. (Budapest, 1915.)

nos easdem partes ad ipsius pacis reformacionem benigne admisissemus, tandem annotatus Ladislaus Thompa de Boclogassonfalwa pro prefatis Nicolao et Ladislao de Kanysa cum procuratoriis litteris dicti conventus Zaladiensis ab una, ac sepefatus Emericus Thyzay de Pand personaliter pro se et pro prefata doniina Margaretha, relicta Sigismundi similiter Thyzai, cum prescriptis procuratoriis litteris vestris partibus ab altéra in nostram regressi presenciam, et se in premissis ordinativa composicione quam plurimorum proborum et nobilium virorum inter ipsas partes pro pace laborancinm interveniente concordasse recitarunt, ymo concordarunt nostri in presencia tali modo, ut prefatus Ladislaus Thompa in personis dictorum Nicolai et Ladislai de Kanysa prescriptas possessiones Swrd, Ewr, Bogard, Patha, Erthemlak, Gardus, Kyszenthpal, Logyad, et Negrad vocatas, simul cum ipsarum utilitatibus et pertinenciis quibuslibet, antelatis Emerico Thyzay, et domine Margarethe relicte Sigismundi similiter Thyzay eorumdemque heredibus et posteritatibus universis tamquam merum et sincerum ius inpignoratorium eorundem eisdem pacifice et quiete remisisset et resignasset; antefatus eciam Emericus Thyzay sua et dicte domine Margarethe in personis prescriptam sentenciam pro ipsarum parte previa racione latam, et singulos processus exhinc secutos invalidando, cassas, vanas et frivolas, viribusque carituras relinquendo, prefatos Ladislaum et Nicolaum de Kanysa super eadem lata sentencia, et cunctis processibus superinde secutis, sed et aliis universis causis, dampnis, iniuriis, actibus potenciariis et generaliter quorumlibet malorum generibus per eosdem Nicolaum et Ladislaum de Kanysa hucusque qualitercunque illatis, patratis et commissis, exceptis dumtaxat damnorum illacionibus in facto detencionis prescriptarum possessionum factis, quas ordinacione, revisioneque et composicione reverendi in Christo patris domini Johannis episcopi ecclesie Quinqueecclesiensis submisissent, quitos, expeditos, modisque omnibus absolutos reddidissent et commisissent, ymo prefatus Ladislaus Thompa prescriptas possessiones virtute procuratoria prenotata remisit et resignavit, antefatus eciam Emericus Thyzay prescriptam latam sentenciam invalidando, super eadem et aliis premissis factis annotatos Nicolaum et Ladislaum de Kanysa, ut prefertur, exceptis solummodo prescrip-