Kammerer Ernő–Döry Ferencz: A zichi és vásonkeői gróf Zichy-család idősb ágának okmánytára. Codex diplomaticus domus senioris comitum Zichy de Zich et Vasonkeo. XI. (Budapest, 1915.)
egregiorum Nicolai et Aladar de Warda nostram venientes in presenciam quasdam literas eiusdem vestre serenitatis, preceptorias videlicet et introductorias cause curavit presentare hunc tenorem continentes: Mathias, Dei gracia rex Hungarie, Bohemie etc. fidelibus nostris comiti vei vicecomiti et iudicibus nobilium comitatus Tholnensis salutem et gráciám. Exponitur nobis in personis fidelium nostrorum Nicolai et Aladar de Warda, quomodo ipsos nobilis domina Elizabeth relicta condam Nicolai Feyer racione quorundam negociorum vestri in presenciam traxisset in causam, in qua vos iidem exponentes iudicibus haberent pro suspectis. Unde cum in presenciis iudicum suspectorum non sit tutum cuipiam litigare, ideo fidelitati vestre firmiter precipientes mandamus, quatenus habita presencium noticia causam premissam partes inter prefatas vestri in presencia, ut dicitur, motam iusto iuris tramite adiudicare debeatis, et si iidem exponentes de huiusmodi vestro iudicio contentari noluerint, extunc vos eandem causam per vos qualitercunque adiudicatam, simulcum tota serie ipsius vestre adiudicacionis, absque omni gravamine dicti exponentis et sine difficultate aliquali, in curiam nostram regiam, nostram scilicet personalem in presenciam transmittere debeatis discuciendam et finaliter terminandam, partibus predictis coram ipsa nostra personali presencia comparendi terminum vestris in literis prefigendo congruentem. Secus non facturi. Dátum Bude, feria tercia proxima post festum purificacionis beate Marié virginis, anno Domini millesimo quadringentesimo octuagesimo quarto. — Quibus sic visis, perlectisque et expositis continenciam earumdem sano percepimus intellectu, ubi autem continebatur, ut eadem domina Elizabeth ipsum dominum Aladarum nostram in presenciam traxisset in causam, hoc ignoramus. Huiusmodi indebitam querimoniam vestre serenitati recitare non debuisset, quum nos ad peticiones parcium nostros iudices nobilium de sede nostra iudiciaria dudum exmiseramus, ac secundum fassionem et attestacionem dictorum iudicum [nobilium], quibus licuit, et unicuique parcium dudum iam literas nostras inquisitorias et birsagiales asscribere et extradare feceramus. Ob hoc huiusmodi indebitis q[ uerimonjiis eidem vestre serenitati porrectis idem dominus Aladar hic coram nobis in birsagiis debebat fieri convictus in talibus fieri solitis. Sed nos Buda, 1484, feb. 3.
