Nagy Imre–Nagy Iván–Véghely Dezső: A zichi és vásonkeői gróf Zichy-család idősb ágának okmánytára. Codex diplomaticus domus senioris comitum Zichy de Zich et Vasonkeo. III. (Pest, 1874.)

suos de Hraztouicha ac iobagiones Episcopatus sui simul cum populis de libera villa Petriua uocata necnon quosdam nobiles de Bornauoz et iobagiones Iwan fily Iwan ad domum seu locum habitacionis sue armatis et potenciarys manibus cum duobus vexillis equites et pedites precedentibus transmittendo eandem domum suam in Aurora supra se incendissent volentes ibidem interficere eundem septemque seruientes suos cum gladys et Sagitis letaliter wlnerassent; ipse uero solus in vno Bambusio et Oapucio super vnum equum vix euasisset, et vxor sua tantummodo in vna Tunica et vna Clamide exire potuisset omnia bona sua que Auus et páter ipsius ac ipse solus mediantibus eorum seruicys aquisiuissent simulcum literalibus Instrumentis totaliter aufferendo specialiter enim viginti quinque piccaria argentea. duos orteos argenteos. nouem Balteos duas Clamides suas proprias cum nodulis argenteis. duo Bambusia similiter cum nodulis argenteis. quatuor Tunicas et quatuor Capucia cum friseis ordinata. Item duo panceria ac vnum arma suum proprium et tria arma seruientum suorum decem et septem equos. ducentos florenos, tria ve'stimenta muliebria domine vxoris sue cum suis attinencys, duo pepla Pragensia. duo lectisternia iutegra et vnum Subductile domus ac alia minuta in mensalibus et manutergys ; Item pannos pepla Syndonem et alia necessaria pro quadam puella cognata sua marito tradenda Centum florenis conparta recepissent ; Item Centum et quinque lardos, viginti vnam Tunellas vilii et quingentos Cubulos frumenti ibidem concremassent; de hoc ad huc non contenti fena tam sua quam iobagionum suorum que asportare nequissent igne combussissent. alia diuersa facta potenciaria irrogantes. Et cum nullomodo redire voluissent. vnum de duodecim Juratis ad eos trausmississet; volens scire pro qua sua culpa premissa facere ausi fuissent ydem ipsum Juratum turpiter in fronté sagitassent et sic tandem iuxta nutum eorum voluntatis recessissent; vnde cum id sit in Regno nostro inauditum nec debeat huiusmodi facinus silencio pertransiri velimusque de hys omnibus cerciori experiri documeuto Congregacionibus in dictis Comitatibus celebratis. fidelitati vestre vniuersitatis firmiter precipientes mandamus; quatenus visis presentibus in dictis Comitatibus ad duo vei tria loca prout subtiliuset comodius utiliusque fieri poterit Congregaciones ad subtiliorem premissorum certitudinem inuestigandam faciatis firmissime uerbo nostro promul-