W. Kovács András - Valentiny Antal: A Wass család cegei levéltára. Kolozsvár 2006.

kiküldött vajdai emberek: Domokos fia: János, Nema-i Petheu és Lona-i Kaplyon jelenlétében Zenthegyud, Pulyun és Nyres nevű birtokaik telkeit maguk között felosztották, megígérve, hogy birtoklásukban egymást saját költségükön megvédelmezik. - A részek közötti határvonal: Una platea ipsius ville Zenthegud vocitate a curia dicti comitis Nicolai Wos nominati incipiens versus partem septentrionis et in fine plateam saliendo ad ordinem sessionum eiusdem ville a parte orientis situatum [!] usque ad domum Michaelis dicti Wrdug. Item in possessione Pulyun predicta super domum Laurentii villici incipiens, que est prope finem a parte orientis situata et cum eadem similiter viam seu plateam transiendo et rivulum per ipsam villam discurrentem, versus partem meridiei, ordo sessionalis eiusdem ville usque ad domum Georgii dicti Feyes et cum eadem in ipsa parte meridiei situatam. Similiter in possessione Nyres a domo Andree filii Hyce incipiens et cum eadem a parte septentrionis fundata ordo eiusdem ville adiacens in eadem parte septentrionis usque ad rivulum Zupalmapataka vocatum devenisset in portionem comitis Nicolai prenotati. Item in eadem possessione Zenthegyud super domum ipsius Michaelis Wrdug nominati incipiendo et cum eadem versus particulam nemoris Weezberuk vocati et ab hinc redeundo ipsa pars meridionalis usque ad domum Emerici filii Nicolai prope finem ipsius ville versus partem occidentis locatam et a parte meridiei iuxta quendam rivulum situatam et cum eadem; et in possessione Pulyun super domum Iohannis Magni in vicinitate predicti Laurentii curie adiacentem incipiendo et cum eadem ordo sessionum eiusdem ville septentrionalis versus partem occidentis usque ad domum cuiusdam hominis Mathyus nominati et cum eadem. Similiter in possessione Nyres a dicto rivulo Zwpalmapataka vocato incipiens usque ad domum Benedicti filii Gregorii Magni ordo ipsius ville meridionalis cessisset in portiones Iacobi filii Chama supradicti. Item tertia pars eiusdem ville Zenthegyud, videlicet super domum Iohannis dicti Zakalus in vicinitate domus predicti Emerici filii Nicolai existentem et cum eadem, ipsa pars occidentalis et finalis in utraque parte sessionum usque ad curiam sepedicti comitis Nicolai Wos maioris. Et in possessione Pulyun super domum Georgii Sartoris incipiendo et circueundo usque ad domum Michaelis dicti Kadar similiter cum eisdem ipsa pars et ordo sessionum meridionalis versus partem occidentalem. Eodem modo in possessione Nyres super domum predicti Benedicti filii Gregorii et cum eadem incipiens usque ad domum Andree filii Hyce prenotati ipsa pars occidentalis et finalis cessissent et devenisssent in portiones Nicolai et Ladislai filiorum Iohannis filii Emuch et fratrum eorundem predictorum. Ceterum quandam portionariam possessionem Buzyas vocatam in vicinitate dicte possessionis Nyres adiacentem, quam sepedictus comes Nicolaus a dicto Iacobo filio Chama emptionis titulo comparasse dignoscitur, absque eodem Iacobo, cum predictis Nicolao et Ladislao ac fratribus eorundem, quia vacua haberetur et habitatoribus destituta, communi usui equaliter percipiendi relinquerunt in filios filiorum eorundem ac heredes perpetuo possidende et habende, eo modo, ut quicunque ipsorum posset suas portiones more divisionis, ut premissum est, sibi sortitas in finibus sic devolutis populorum multitudine decorandi liberam haberet facultatem, curiis et edificiis ipsorum sibi ipsi absque alia mutatione reservatis, terras arabiles, silvas, nemores, prata seu feneta ac universas utilitates dictarum possessionum communi usui relinquentes.