Mathiae Corvini Hungariae regis epistolae ad Romanos pontifices datae et ab eis acceptae. Mátyás király levelezése a római pápákkal. 1458–1490. (Budapest, 1891. Mon. Vat. Hun. I/6.)

cavit. Quum tamen hic tergiversationibus variis morisque usus esset, pontifex proceresque Bohemiae catholici, hanc ejus cunctationem repulsam rati, decreverunt opem aliunde peti oportere Mathiamque jam regem accersendum esse. Litteras papae provocatorias Gábriel de Verona sacerdos ex ordine Seraphico, sanctique olim Joannis de Capistrano in Hungaria socius, accepit regi reddendas. Qui ineunte anno 1468., una cum legatis procerum catholicorum Bohemiae ac imperatoris, Mathiam convenit. Hic promptissimo statim animo ad bellum Podiebradio inferendum fidem suam oppignoravit. Incredibili sane celeritate mox apparatum perfecit. Jamque die 8. Április solemne edictum promulgavit, quo consilium rationesque expeditionis hujus manifestas redderet. «Animadvertentes — ita classicum insonat — populum orthodoxum in regno Bohemiae... hasreticorum infestatione opprimi, et in dies magis ac magis adversus Deum et sacrosanctam ejus ecclesiam invalescere pravitatis errorem, . . . impulsi etiam a sanctissimo domino nostro, cui per omnia obedire decet principem Christianum,... statuimus .. . suscipere negotium, arduum illud quidem, sed summi pláne et in coelo meriti et gloriae super terram.. . Non ambitio ulla, nec aliquod temporale commodum nos illexit, sed iniquissime oppressorum miseratio et apostolicae sedis reverentia et sincerae íidei zelus animavit.»

1 Mathias bello vix inchoato totam mox Moraviam subegit. Legati pontificis: Laurentius Roverella Ferrariensis atque Rudolphus a Ruedesheim Lavantinus tunc, postea Wratislaviensis episcopi, lateri ejus adhaerentes utilem eidem navabant operám,

2 quin assensu suo promptissimo approbabant: ut Mathias in comitiis Olomucii habitis a procerum catholicorum, coronae Bohemicae obnoxiorum suffragiis, rex Bohemiae crearetur. Jam etiam pontifex amplissima stipe identidem missa negotium Mathiae promovit.

3 Quumque inter imperatorem, regem item Poloniae atque Georgium Podiebradium foedus contra Mathiam coaluisset: gravissimis verbis repro1 Epistolae Matthiae Corvini, pars III. num. 45. 2 Dolendum sane, quod expeditionis Bohemicae instrumenta, litterae scilicet papam inter Mathiamque, vix ullae super sint Ex annis 1468. & 1469. nullae pláne, ex anno 1470. una dumtaxat, ex 1471. quinque a pontifice scriptae praesto sunt, sub num. LXI—LXVI. 3 Praesto sunt papae assignationes : 5-Oct. 1469. 15,000 aureorum ; 15. Januarii 1471. vero 18,000 item aureorum. V. Pauli II. Cruciata, fol. 102. et 182. Romae, in Tabulario Regio. Idem testatur apocha Matthiae de acceptis 10,000 aureis. 24. Oct. 1470. v. in Codice Diplomatico Patrio, t. III. p. 424.