Bullae Bonicacii IX. P. M. IX. Bonifác pápa bullái. 1396–1404. (Budapest, 1889. Mon. Vat. Hun. I/4.)

36 1397' OCTOBRIS. auditori, ex certis causis audiendam commiseramus et fine debito terminandam, quodque lite huiusmodi coram te indecisa pendente prefatus Philippus Episcopus in possessione dicte prepositure existens apud Sedem predictam, ut prefertur, decesserat, Nos tibi aliis nostris dedimus in mandatis, ut eundem Nicolaum, ... in omni iure et ad omne ius, quod eidem Philippo Episcopo in predicta prepositura seu ad eam quomodo libet competebat, . . . auctoritate nostra surrogares, . . . ipsumque Nicolaum ad huiusmodi ius . . . in eo statu, in quo dictus Philippus Episcopus tempore obitus sui huiusmodi existebat, et, si vixisset, potuisset et debuisset admitti, nec non ad possessionem dicte prepositure, in qua idem Philippus Episcopus tempore obitus sui huiusmodi erat, ut prefertur, admitteres et admitti faceres, ut moris esset. Et nichilominus, si per eventum litis huiusmodi tibi constaret, Philippo Episcopo, dum vixit non competisse ac Andree principali prefatis non competere ius in dicta prepositura seu ad eam, preposituram ipsam sive aliquo premissorum sive alias aliquo alio ex módis in dictis ultimis literis contentis vacarent, dummodo tunc non esset in ea alicui specialiter ius quesitum, cum omnibus iuribus et pertinentiis eius prefato Nicolao auctoritate nostra conferres et assignares, prout in predictis literis plenius continetur. Postmodum vero, sicut exhibita nobis nuper pro parte ipsius Nicolai petitio continebat, antequam tu ad executionem earundem lite— rarum tibi, ut premittitur, directarum procederes, dil. filius Ladislaus Stephani, qui se gerit pro canonico Waradiensi, et contra quem prefatus Philippus Episcopus dudum in predicto Palatio super dicta prepositura ex commissione apostolica litigando diffinitivam, . . . sententiam reportavit et vigore huiusmodi sententie . . . possessionem dicte prepositure assecutus fűit, volens, ut creditur, eundem Nicolaum in adipiscenda huiusmodi possessione dicte prepositure impedire, ac pretendens eandem preposituram ad se spectare, causam, quam super ipsa prepositura contra dictum Nicolaum movere intendebat, dilecto filio Jacobo Stenbe, Cappellano nostro et causarum dicti Palatii auditori per nos committi et in causa ipsa ad nonnullos actus procedi ac in ea per dictum Jacobum auditorem more solito inhiberi obtinuit, idemque Nicolaus sentiens etiam inter Andreám et Ladislaum prefatos super dicta prepositura coram te causam indecisam pendere, se ad prosecutionem cause huiusmodi etiam ex speciali commissione nostra pro suo admitti petiit interesse. Cum autem, sicut eadem petitio subiungebat, idem Nicolaus dubitet, ne post datam dictarum lite— rarum tibi, ut prefertur, directarum aliqui in predicta prepositura iam forsan intruserint vei imposterum intrudant, pro parte ipsius Nicolai nobis