Bullae Bonicacii IX. P. M. IX. Bonifác pápa bullái. 1396–1404. (Budapest, 1889. Mon. Vat. Hun. I/4.)

et ad quem quis per electionem assumitur, desolatum dimiserat, non curans eidem archidiaconatui in dicta ecclesia, prout decens foret et debitum, deservire seu facere deserviri, propter que ipse archidiaconatus in suis iuribus et facultatibus extitit non modicum diminutus, quodque huiusmodi archidiaconatu, sic ut prefertur, Archidiaconi residentia viduato, aliqui regia, aliqui vero ordinaria auctoritate, prout pretendebant, absque canonico titulo, quod potius propria temeritate censemus, in dicto archidiaconatu intrusi illum per nonnulla tempóra detinuerant et occuparant, prout dilectus filius Michael Synka, qui se gerit pro presbytero Agriensis diocesis, illum detineret indebite occupatum, in dicti Nicolai et Michaelis animarum periculum nec non ecclesie et archidiaconatus predictorum ac divini cultus detrimentum, preiudicium et gravamen ac scandalum plurimorum; Nos itaque volentes super hiis . . . providere, Discretioni tue . . . mandavimus, quatenus vocatis dictis Nicolao et Michaele et aliis, qui forent evocandi, super premissis omnibus et singulis summarie, simpliciter et de piano ac sine strepitu et figura iudicii te auctoritate nostra diligenter informares et si per informationem eandem invenires, premissa veritate fulciri, prefato Nicolao aliquem certum, peremptorium terminum competentem, de quo tibi videtur, auctoritate predicta prefigeres, infra quem idem Nicolaus in eodem archidiaconatu personaliter residere . . . teneretur, alioquin elapso huiusmodi termino, si idem Nicolaus premissa adimplere non curaret, Nicolaum dicto archidiaconatu . . . privares et Michaelem prefatos amoveres realiter ab eodem, prout de iure foret faciendum, prout in dictis litteris plenius continetur. Cum itaque secundum premissa idem archidiaconatus vacare speretur, Nos volentes eidem Stephano gratiam facere Discretioni tue . . . mandamus, quatenus archidiaconatum predictum, cuius fructus . . . quadraginta marcarum argenti . . . valorem annuum . . . non excedunt, etiamsi actu, ut premittitur, vei alio quovis modo . . . vacet, etiamsi ipse archidiaconatus ex eo generaliter, quod aliquis illum obtinens eum in quemcumque eventum ex voluntate Sedis predicte dimittere tenebatur, vei alias specialiter dispositioni apostolice reservatus existat . . . prefato Stephano auctoritate nostra conferas et assignes . . . Non obstantibus . . . quod prefatus Stephanus, ut asserit, canonicatum et prebendam eiusdem ecclesie Agriensis, quorum fructus . . . sexaginta florenorum auri . . . valorem annuum non excedunt, noscitur obtinere et nos dudum sibi de Waradiensis et Transilvanensis ac Alberegalis, Vesprimiensis diocesis, ecclesiarum canonicatibus sub expectationibus prebendarum nec non dignitatis