Bullae Bonicacii IX. P. M. IX. Bonifác pápa bullái. 1396–1404. (Budapest, 1889. Mon. Vat. Hun. I/4.)

ccccxxxiv. 1401. 16. Septembris. Collationem canonicatus Albaregalensis, per Joannem Zudar, ipsius collegiatae ecclesiae Praepositum, in favorem Blasii Ladislai factam corroborat. (Anni XII. Liber B. f. 93 b.) Bonifacius etc. Dilecto filio . . . Abbati monasterii sancti Aniani de Thiconio, Vesprimiensis diocesis, salutem etc. Exhibita siquidem nuper pro parte dilecti filii Blasii Ladislai, rectoris, Magistri nuncupati, altaris beate Marié, siti in ecclesia beate Marié Alberegalis, Vesprimiensis diocesis, petitio continebat, quod olim canonicatu et prebenda dicte ecclesie, quos quondam Gregorius Valentini de Tur obtinebat, per ipsius Gregorii obitum, qui extra Romanam Curiam diem clausit extremum, vacantibus, dilectus filius Johannes Zudor, Prepositus ipsius ecclesie, cum ad Prepositum dicte ecclesie, pro tempore existentem de antiqua et approbata . .. consuetudine canonicatuum et prebendarum ipsius ecclesie collatio et provisio pertineat, canonicatum et prebendam predictos . . . prefato Blasio auctoritate contulit ordinaria . . . Cum autem, . . . prefatus Blasius dubitet, collationem huiusmodi ex certis causis viribus non subsistere, Nos volentes dictum Blasium . . . favore prosequi gratioso, Discretioni, tue . . . mandamus, quatenus canonicatum et prebendam predictos, quorum fructus . . . quinquaginta florenorum auri . . . valorem annuum . . . non excedunt . . . prefato Blasio auctoritate nostra conferas et assignes. Non obstantibus, . . . quod dictus Blasius, ut asserit, altare predictum cuius fructus . . . duodecim florenorum auri . . . valorem annuum non excedunt, noscitur obtinere. Dátum Romé apud Sanctum Petrum Sextodecimo Kalendas Octobris Anno Duodecimo.