Bullae Bonicacii IX. P. M. IX. Bonifác pápa bullái. 1396–1404. (Budapest, 1889. Mon. Vat. Hun. I/4.)

sine strepitu et figura iudicii, sed sola facti veritate inspecta te diligenter informes, et si per informationem huiusmodi reppereris, premissa fore vera, prefatum Michaelem de Stolczenberg ad corporalem possessionem canonicatus et prebende ac archidiaconatus predictorum, in qua, ut prefertur, extiterat, auctoritate nostra restituas et reintegres, eumque restitutum et reintegratum iuxta iuris exigentiam defendas faciens sibi de fructibus interim ex eis perceptis integre satisfieri cum effectu. Et nichilominus sine aliqua intimatione, de presentibus predictis intrusis fienda, prefatos intrusos, ut possessionem eorundem canonicatus et prebende ac archidiaconatus predicto Michaeli de Stolczenberg libere dimittant, et de eis de cetero se nullatenus intromittant, et dilectos íilios Capitulum dicte ecclesie et singulares personas de huiusmodi Capitulo, ut ipsos intrusos ab eisdem canonicatu et prebenda ac archidiaconatu et eorum possessione amoveant, et ad eandem possessionem dictum Michaelem de Stolczenberg readmittant, et sibi de eorum fructibus . . . plene et integre cum effectu respondeant, competenti, peremptorio termino, de quo tibi videbitur, eis ad hoc preassignato, sub excommunicationis, suspensionis et interdicti necnon privationis beneficiorum ecclesiasticorum, que nunc obtinent et inhabilitationis ad eadem et quecumque alia beneficia ecclesiastica in futurum obtinenda sententiis et penis, quas quemlibet inobedientem et contrafacientem incurrere volumus et decernimus ipso facto, auctoritate nostra moneas, et mandes eisdem. Alioquin lapso huiusmodi termino omnes et singulos inobedientes et contra facientes huiusmodi declares eadem auctoritate, sententias et penas huiusmodi damnabiliter incurrisse, eosque, ubi et quando expedierit, huiusmodi sententiis et penis ligatos publice denunties et facies per alios publice denuntiari. Et nichilominus legitimis per te super hiis habendis servatis processibus, eos quotiens expedierit, aggravare procures . . . Invocato ad hoc, si opus fuerit, auxilio brachii secularis. Non obstantibus prefata resignatione et quibusvis litteris apostolicis prefatis intrusis vei alteri ipsorum de canonicatu et prebenda aut archidiaconatu predictis forsan concessis et aliis contrariis quibuscumque. Seu, si prefatis Capitulo, intrusis et personis vei quibusvis aliis communiter vei divisim a Sede Apostolica sit indultum, quod interdici, suspendi vei excommunicari vei ultra aut extra certa loca ad iudicium evocari non possint per litteras apostolicas non facientes plenam et expressam ac de verbo ad verbum de indulto huiusmodi mentionem. Dátum Romé apud Sanctum Petrum Quinto Kalendas Septembris Anno Duodecimo.