Bullae Bonicacii IX. P. M. IX. Bonifác pápa bullái. 1396–1404. (Budapest, 1889. Mon. Vat. Hun. I/4.)

exhibet et benignam. Exhibita siquidem nobis nuper pro parte tua petitio continebat, quod, cum olim tu in primordiis nostri apostolatus te ad Romanam Curiam personaliter transtulisses et a nobis quandam gratiam de canonicatu, sub expectatione prebende, ac dignitatis, personatus vei officii ecclesie Transilvaniensis sub data videlicet Duodecimo Kalendas Decembris Pontificatus nostri Anno Primo obtinuisses, et super huiusmodi gratia litteras apostolicas confici fecisses et procurasses, quidam curialis eiusdem Curie huiusmodi litteras inspiciens, et in data examinans tibi litteras ipsas sub dicta data minus utiles fore persuadens dixit, se velle te instruere, ut anteriorem seu utiliorem datam in ipsis litteris consequereris, tu tunc forsan decem et octo annorum etatis tue vei citra existens, tamquam simplex et vir ignarus de hoc gavisus, et ad quandam cameram eiusdem curialis accedens iuxta eius informationem huiusmodi datam XII. Kalendas in datam XVIII. Kalendas Decembris eiusdem anni mutasti, et deinde cum huiusmodi litteris, sic in ipsa data mutatis et falsificatis, ad partes rediens, earum pretextu canonicatum et prebendam dicte ecclesie, per quondam Petri Laurentii, ipsius ecclesie canonici, ac archidiaconatum de Torda in eadem ecclesia, tunc per quondam Petri de Stepas, Archidiaconi de Torda in ipsa ecclesia, extra Romanam Curiam defunctorum obitus vacantes, alias infra tempus legitimum acceptasti, et de ipsis tibi fecisti provideri ac huiusmodi acceptationis, et provisionis pretextu eorum possessionem, quamvis de facto, assecutus, ipsosque ex tunc, licet eis ad presens spoliatus existas, per sex annos vei circa detinuisti, fructus ex eisdem percipiens similiter de facto. Quare pro parte tua, qui etiam interim, ut asseris, ad omnes sacros ordines alias rite promotus fuisti, nobis fűit humiliter supplicatum, ut te ab excommunicationis et aliis sententiis et penis, quas propterea incurristi absolvere vei alias tecum super premissis misericorditer agere de benignitate apostolica dignaremur. Nos igitur volentes te, qui nondum, ut asseris, aliquam missam celebrasti, favoribus prosequi gratiosis . . ^ te ab omnibus excommunicationis et aliis sententiis atque penis, quas propter premissa incurristi, auctoritate apostolica tenore presentium absolvimus ac omnem inhabilitatis et infamie maculam sive notam per te premissorum occasione contractam penitus abolemus, teque ad honorem, famam et statum pristinos eadem auctoritate restituimus et reponimus per presentes. Et nichilominus tecum super irregularitate, si quam huiusmodi sententiis ligatus ministrando circa divina vei immiscendo te illis, non tamen in contemptum clavium, incurristi, et quod in omnibus huiusmodi