Bullae Bonicacii IX. P. M. IX. Bonifác pápa bullái. 1396–1404. (Budapest, 1889. Mon. Vat. Hun. I/4.)

CCXXXVII. 1400. 30. Mártii. Sebastianum Rufum, parochum de Mohács, a reatu cooperationis homicidii absolvit. (Anni XI. Liber 103. f. 18.) Bonifacius . . . Dilecto filio Sebastiano filio Pauli, dicti Ruffi, rectori parochialis ecclesie beate Marié de Mohacz, Quinqueecclesiensis • diocesis, salutem . . . Sedes Apostolica, pia mater, recurrentibus ad eam cum humilitate filiis post excessum libenter se propitiam exhibet et benignam. Exhibita siquidem nobis nuper pro parte tua petitio continebat, quod, cum olim tempore nocturno, dum tu in lecto filio (sic) ad dormiendum te posueras, nonnulli clamores et rumores inter quosdam laicos in quodam orto tuo facti fuissent, quidam capellanus tuus id sentiens ad cameram tuam, in qua iacebas, accessit et tibi premissa intimavit, teque, ut surgeres, et ad laicos ipsos accederes, et eos pacificares primo et deinde, cum tu id facere recusares, denuo te incitavit, cumque tu causa pacificandi ipsos eosque ad concordiam reducendi ortum ipsum intrares eosque ex eo, quod ortum tuum intraverunt, verbis atrocibus vilipenderes, iidem laici te verbis iniuriosis afficiebant, propter que tu aliqualiter commotus prefato cappellano et certo alteri tuo familiari dixisti hec verba in eflfectu: irruamus in eos, ut fugiant, non tamen eos offendamus; interim vero quidam Paulus unus ex predictis laicis ad te accessit tibique exposuit, quod alii laici huiusmodi eum interficere vellent, tuque hoc audiens dixisti hec verba videlicet: irruamus in eos, ut fugiant. Ipse vero Paulus hec audiens laicos huiusmodi solus insequebatur, tuque post eundem Paulum clamasti, ut rediret, et predictos laicos insequi cessaret, et deinde ad cameram tuam causa dormiendi rediisti, ipseque Paulus de hoc non curans ac eosdem laicos insequens, ut prefertur, unum ex huiusmodi laicis extitit sagitta percussus, unde postea expiravit. Cum autem, sicut eadem petitio subiungebat, tu de premissis doleas ab intimis ac circa ea alias, quam, ut prefertur, culpabilis minimé existas, pro parte tua fűit nobis humiliter supplicatum, ut providere tibi et statui tuo super hoc de oportuno remedio de benignitate apostolica dignaremur. Nos igitur attendentes, quod bonorum meritum est timere culpam, ubi culpa minimé reperitur, ac volentes te, qui presbiter es, alias