Bullae Bonicacii IX. P. M. IX. Bonifác pápa bullái. 1396–1404. (Budapest, 1889. Mon. Vat. Hun. I/4.)
1399- 2 0 • J UNI L iudicio comparens predicti Johannis Serivan non comparentis contumaciam accusavit et in eius contumaciam nonnullas litteras apostolicas, instrumenta publica, aliaque iura et munimenta, quibus pro parte sua in causa huiusmodi uti voluit, produxit, dicto Johanne Serivan aliqua iura producere ac aliquas exceptiones contra producta huiusmodi partis sibi adverse dare non curante in certis terminis eis ad hec assignatis, prefatusque Jacobus de Aquila Auditor ad eiusdem Johannis Ulsen instantiam memoratum Johannem Serivan ad concludendum et concludi videndum in causa huismodi . . . citari fecit ad certum peremptorium, terminum competentem. In quo dicto Johanne Ulsen coram eodem Jacobo de Aquila Auditore in iudicio comparente et prefati Johannis Serivan non comparentis contumaciam accusante et in eius contumaciam in huiusmodi causa concludi petente, sepedictus Jacobus de Aquila Auditor reputans eundem Johannem Serivan quoad actum huiusmodi, prout erat, merito contumacem, in eius contumaciam cum predicto Johanne Ulsen in huiusmodi causa concludente conclusit et habuit pro concluso et ad instantiam eiusdem Johannis Ulsen prefatum Johannem Serivan ad in huiusmodi causa diffinitivam sententiam audiendam in dicta audientia citari fecit ad certam diem peremptoriam, competentem. In qua memoratus Jacobus de Aquila Audi tor visis et diligenter inspectis omnibus et singulis actis, actitatis, habitis et productis in causa huiusmodi per suam diffinitivam sententiam pronunciavit, decrevit et declaravit, prout hec omnia in dicta petitione summaria petita fuerant, gratiam, collationem, provisionem predictas et omnia inde secuta fuisse et esse canonica, suumque debitum debuisse et debere sortiri effectum dictamque capellam ad prefatum Mathiam spectasse et pertinuisse ac spectare et pertinere de iure, et eandem cum omnibus iuribus et pertinentiis suis adiudicandam fore et adiudicavit, prefatoque Petro in dicta capella seu ad eam nullum ius competiisse seu competere, oppositiones, intrusiones, occupationes, detentiones et impedimenta fuisse et esse temeraria, illicita et iniusta et defacto presumpta, ipsique Petro de et super oppositionibus et capella predictis perpetuum silentium imponendum fore et imposuit, ipsumque Petrum ab occupatione et detentione dicte capelle amovendum fore et amovit, prefatumque Mathiam in et ad realem actualem et corporalem possessionem ipsius capelle ac iuriumque et pertinentiarum eiusdem inducendum fore et induxit, dictumque Petrum in expensis in huiusmodi causa coram se legitime factis et fructibus de dicta capella per eum a tempore mote litis citra perceptis condemnandum fore et condemnavit, ipsarum expensarum taxatione sibi imposterum
