Bullae Bonicacii IX. P. M. IX. Bonifác pápa bullái. 1396–1404. (Budapest, 1889. Mon. Vat. Hun. I/4.)

CLXXIII. 1399. 16. A'aii. Andreae, parocho Vesprimiensi, variis iniuriis afflicto, defensionis subsidio subvenit. (Anni X. Liber IV. f. 217.) Bonifacius . . . Venerabili fratri Episcopo Vesprimiensi salutem . . . Exhibita nobis nuper pro parte dilecti filii Andree, rectoris parochialis ecclesie sancti Johannis Baptiste Vesprimiensis, petitio continebat, qiiod cum olim Ladislaus, Prepositus ecclesie Omnium Sanctorum in Castro Vesprimiensi, eundem Andreám requisivisset, ut ipse Andreas canonicatum et prebendam, quos ipse Andreas in dicta ecclesia Omnium Sanctorum obtinebat, eidem Preposito resignaret et ipse Andreas denegasset, prefatus Prepositus ad iram commotus, associatis sibi quibusdam suis in hac parte complicibus, in eundem Andreám, in presbyteratus ordine constitutum, irruit, ipsumque non absque manuum iniectione in eum, Dei timore postposito, temere violenta ausu sacrilego diris verberibus afflixit ac afflictum capi fecit et incarcerari et per plures dies detineri carceribus mancipatum, ipsum Andreám in dictis canonicatu et prebenda et nonnullis bonis suis usque ad valorem trecentorum ducatorum auri spoliare propria temeritate presumpsit, in dictosque canonicatum et prebendam se intrusit, eosque detinet ipsaque bona usurpavit et in proprios usus convertit in Apostolice Sedis contemptum et vilipendium ecclesiastice libertatis et scandalum plurimorum ipsiusque Andree preiudicium et gravamen. Quare pro parte ipsius Andree fűit nobis humiliter supplicatum, ut providere sibi super hoc paterna diligentia curaremus. Nos huiusmodi supplicationibus inclinati, Fraternitati tue ... mandamus, quatenus, si de huiusmodi manuum iniectione, verberatione, captione et detentione tibi constiterit, eosdem sacrilegos tamdiu excommunicatos publice nuncies et facias ab omnibus arctius evitari, donec super hiis passo iniuriam satisfecerint competenter, et cum tuarum testimonio litterarum ad Sedem venerint Apostolicam absolvendi. Super aliis vero vocatis, qui fuerint evocandi, et auditis hinc inde propositis, quod iustum fuerit, appellatione remota, decernas, faciens, quod decreveris, per censuram ecclesiasticam firmiter observan. Dátum Romé apud Sanctum Petrum Decimoseptimo Kalendas Junii Anno Decimo.