Bullae Bonicacii IX. P. M. IX. Bonifác pápa bullái. 1396–1404. (Budapest, 1889. Mon. Vat. Hun. I/4.)

promtis intendant animis, et suas ad id habilitent facultates, ac de bonis sibi a Deo collatis studeant largitiones, tam promptas, quam uberes elargiri. Ut autefri huiusmodi ministerium, per nos tibi iniunctum, eo facilius atque felicius prosequi valeas, quam per Sedem predictam munitus fueris prerogativa privilegii potioris, Fraternitati tue, de qua specialem in Domino fiduciam obtinemus, locorum ordinarios, ad quos propterea te declinare contigerit, ut ipsi per se vei alios ydoneos et fidei zelo ferventes predicatores suarum civitatum et diocesum diebus Dominicis et festivis infra missarum solempnia et alias, prout eis melius et magis opportunum videbitur, Christi fidelibus premissa proponant seu proponi faciant, ipsosque fideles inaniment et inducant ad erogandum pias elemosinas pro prosecutione negotii prelibati auctoritate nostra requirendi hac vice dumtaxat plenam tenore presentium concedimus facultatem contradictores . . . Non obstante, . . . et ut ipsi fideles premissa tanto libentius atque ferventius prosequantur, quanto ex eorum laboré mercedem se noverint percepturos, Nos de omnipotentis Dei misericordia . . . omnes et singulos, qui pro liberatione et subsidio imperatoris et civitatis predictorum manus adiutrices porrexerint ac predicaverint, ut prefertur, illám suarum peccaminum, de quibus fuerint veraciter corde contriti et ore confessi, veniam consequi volumus, que per Sedem prefatam concedi consuevit elemosinas erogantibus seu predicantibus in subsidium Terre Sancte ac eis in retributione iustorum augmentum eterne beatitudinis pollicemur. Ceterum, ut oblationes et elemosine, quas fideles ipsi pro huiusmodi pio negotio, dante Domino, erogaverint ad manus dicti imperatoris cum omnimoda integritate perveniant, volumus, quod in singulis ecclesiis principalibus civitatum, terrarum et locorum, in quibus te, ut premittitur, predicare et ad que te adire contigerit, singuli trunci concavi ponantur tribus clavibus consignati, in quibus oblationes et elemosine huiusmodi reponantur, quarum quidem clavium singuli per singulos tres boni testimonii viros eeclesiasticos vei seculares per te et dictum Yliarium (sic) cum consilio dilectorum filiorum regiminis civitatis seu loci illius eligendos seu deputandos teneantur, in aliis vero locis idipsum disponere valeas secundum distantiam et dispositionem locorum per te cum dicto Ilario vei per prefatos procuratores in locis, que eis duxeris deputanda. Quodque pecunie, que ex huiusmodi oblationibus et elemosinis fuerint congregate per dictos tres viros Venetias vei Januam cum bona et diligenti cautela et sub fida custodia transmittantur. Et quod pecunie huiusmodi, que Venetias transmittentur, ut prefertur, per venerabilem