Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

denique ornat insigne GENTILIS gentilitium, tres nimium colles floribus consiti. Sigillum GENTILIS in eodem operis huius prioré indice positum, tabularia Vaticana nobis conservarunt. In forma Romana arse tabulam exhibet; superius B. Virginem habes cum Divino infante maternis genibus incubante, circum senos angelos conspicis. Inferius binis zotheculis, ad dexteram quidem S. Martinus reconditur ornatu pontiíicio indutus, manu ad bene precandum erecta; ad laevam vero S. Franciscus oratoris sacri speciem referens; in iníimo denique cornu GENTILIS ipse cernitur vestibus pontificialibus; manibusque precantium more compositis. Sigilli inscriptio completa haec habét: «Sigillum Fratris Gentilis Ordinis Minorum Dei Gratia Tituli Sancti Martini In Montibus Presbyteri Cardinalís». Memóriám GENTILIS per Hungáriám nulla quidem effigies, nulla marmorea pyramis picturave depraedicat; attamen opera ac industria eius in Andegavensium imperio condendo solerter collocata, quum sane horum regum auspiciis gens nostra, florentissima perfrueretur conditione, GENTILI certe «exegit monumentum aere perennius!»