Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

nomine agit in dicta causa, contra dictos Vagnolum et eos, quorum procurator est, positiones et articulos infrascriptos. Petens, cogi dictum Vagnolum ad respondendum eisdem. Quas exceptiones et articulos dictus dominus auditor recepit et admisit, salvo iure impertinentium, mandans dicto Vagnolo procuratori, coram eo presenti, ut cras mane post missam et ante tertiam compareat personaliter coram eo, ad respondendum positionibus et articulis memoratis; quarum positionum et articulorum tenor talis est: Coram Vobis, venerabili viro domino Philippo de Sardinea, auditore domini legati, Philippus de Cingulo procurator substitutus pro capitulo Transsilvanensi contra partém adversam de septem decanatibus, cum qua coram Vobis est in causa: I. Ponit et, si negatur, probare intendit, quod bone memorie olim dominus Bonifacius papa VIII. sententiam protulit, in qua quidem sententia iudicavit sententialiter, regnum Ungarie ad dominum Carolum de iure pertinere; qui quidem dominus Carolus per venerabilem patrem dominum T.

1 archiepiscopum Strigoniensem in presentia reverendi patris domini fratris G.

2 cardinalis, apostolice sedis legati, extitit coronatus pro rege Ungarie.

3 — Credit. II. Item quod predictus dominus Bonifacius in predicta sententia mandavit, ipsum dominum Carolum haberi ac reputari pro vero et legitimo rege Ungarie. — Credit. III. Item quod mandavit et sententiavit in eadem sententia, quod omnes barones, civitates, comites et singulares persone dicti regni deberent eidem regi Carolo impertiri auxilium, consilium et favorem; contrarium vero facientes excommunicationis sententiam incurrerent ipso facto. — Credit. IIII. Item ponit et, si negatur, probare intendit, quod dicta sententia sollempniter fűit publicata per archiepiscopum seu archiepiscopos et episcopos dicti regni in eodem regno, et specialiter in Alba Jule, coram baronibus, clericis et laicis, ibidem congregatis. — Credit. 1 Thomam. 2 Gentilis. 3 Anno 1309. 15. die Junii.