Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

1)0y. 8. JAN-). JLL. petens dictum magistrum Philippum cogi, iuramento prestito, ad respondendum eisdem. Jurans dictus Vagnolus in anima sua, corporaliter tacto libro, se credere vera esse, que in ipsis positionibus continentur. (Pro eisdem.) Ad quas quidem positiones dictus magister Philippus de mandato dicti domini auditoris respondit, prout in fine ipsarum cuiuslibet continetur. Prestito per eum prius ad sancta Dei evangelia iuramento in anima sua, super ipsis positionibus veritatem respondere, quam credit. Quarum positionum et articulorum tenor talis est: (Pro eisdem.) Coram Vobis, reverendo viro domino Philippo auditore &c. ponit Vagnolus de Meuanea procurator substitutus a domino Bertoldo procuratore septem capitulorum Transsilvanensis diocesis et quorundam plebanorum de dictis capitulis, existentium in questione cum capitulo Albensis ecclesie, infrascripta, videlicet: In primis, quod generális consuetudo est in regno Ungarie, quod littere prelatorum, eorum sigillis sigillate, fidem faciunt in iudiciis, tam ecclesiasticis quam secularibus. — Credit de veris litteris, nisi reprobentur propter aliquem defectum, apparentem in eis, propter quem debeant reprobari. Item quod generális consuetudo est in dicto regno, quod littere baronum, eorum sigillis sigillate, fidem faciunt, tam in ecclesiasticis quam secularibus iudiciis. — Credit, quod in secularibus, sed quod in ecclesiasticis fidem faciant, non credit. Item quod generális consuetudo est in dicto regno, quod littere comitum fidem faciunt in iudiciis, tam ecclesiasticis quam secularibus. — Credit, ut supra in proxima. Item quod littere comitatuum de consuetudine regni predicti, eorum sigillis sigillate, fidem faciunt in iudiciis, tam ecclesiasticis quam secularibus. — Credit, ut supra in secunda positione. (Pro decanis.) Item quod de predicta consuetudine littere quorumlibet presidentium in iurisdictione in dictis iudiciis fidem faciunt. — Credit, quod littere secularium in secularibus, et littere ecclesiasticorum in ecclesiasticis fidem faciant.