Acta legationis cardinalis Gentilis. II. Gentilis bibornok magyarországi követségének okiratai. 1307–1311. (Budapest, 1885. Mon. Vat. Hun. I/2.)

dicto domino woyvada hortatorias et rogatorias, quod deberet assistere pro eo coram domino rege et domino legato contra omnes, qui vellent aliquid obicere contra eum; et in ipsis litteris mentio erat, quod ipse concesserat licentiam et securitatem dictis decanis et plebanis et omnibus venire volentibus ad dominum memoratum, aliud vei aliter nescit. (Pro capitulo.) Die Jovis, XII. dicti mensis junii, comparentibus in iudicio coram dicto domino auditore predictis procuratoribus substitutis utriusque partis, quia dictus magister Philippus petebat nóvum terminum sibi dari, ad probandum exceptiones et articulos suos predictos, asserens, se petivisse dictum terminum hora, qua exceptiones seu articulos ipsos produxit, licet non reperiatur in scriptis, dictus dominus auditor, ad probandum exceptiones et articulos ipsos, per totum cras dicto magistro Philippo, presenti et petenti, terminum peremptorium assignavit. (Pro capitulo.) Et statim dictus magister Philippus, nomine quo supra, produxit in eodem iudicio ad probationem dictarum exceptionum et articulorum attestationes testium, receptorum super ipsis, et quicquid actum est et secutum a die et hora, qua huiusmodi articulos et exceptiones produxit. Dicto Vagnolo protestante ex adverso, omnes exceptiones sue partis salvas esse, tam contra dictos testes, quam dicta ipsorum et totum predictum processum. Die Veneris, XIII. mensis Junii, predicte indictionis, magister Philippus procurator predictus, constitutus coram dicto domino auditore, presente dicto Vagnolo procuratore alterius partis, produxit infrascriptos testes, presentes in curia, ad probandum exceptiones et articulos suos predictos; petens ipsos testes recipi et examinari diligenter super exceptionibus et articulis memoratis, quorum testium nomina hec sunt: Venerabilis in Christo páter dominus Emericus episcopus Varadiensis, Nicolaus prepositus Orodiensis, Mauritius plebanus de Crako, et Petrus custos ecclesie Colocensis. (Pro capitulo.) Qui omnes testes, excepto dicto domino . . . episcopo Varadiensi, cui de voluntate procuratoris utriusque partis iuramentum remissum est Monum. Vaticana. Scries I. Tom. II. 28